(॥పల్లవి॥)
అంటుకోకురో యమ్మలాలా యీ-
మంటవడ్డ కోరికల మాఁటువారము
(॥అంటు॥)
మాసిన యాసలనెడి మాలెత వెంట వెంటనే
పాసి వుండలేక బాధఁబడ్డవారము
బేన బెల్లి యెంగిలైన పదవినంజుడు నోరఁ
దీసి తీసి సారె సారెఁ దిన్నవారము
(॥అంటు॥)
ఇట్టు నట్టు ముట్టరాని హేయమైన తోలుఁదోలు
కుట్టి కుట్టి సిగ్గులమ్ముకొన్నవారము
ముట్టు సేయుచోటనే మూలమూల సారె సారెఁ
బుట్టి పుట్టి యాపదలఁ బొందువారము
(॥అంటు॥)
చంపి చంపి జీవులనే చవులంటఁ జెడ్డతోలుఁ
గొంపలోనఁ దెచ్చి పెట్టుకొన్నవారము
ఇంపుల నిప్పుడు వేంకటేశుఁజేరి భవముల
చింపి యింటి హరిభక్తి చరవారము
(||pallavi||)
aṁṭugoguro yammalālā yī-
maṁṭavaḍḍa korigala mām̐ṭuvāramu
(||aṁṭu||)
māsina yāsalanĕḍi mālĕda vĕṁṭa vĕṁṭane
pāsi vuṁḍalega bādham̐baḍḍavāramu
bena bĕlli yĕṁgilaina padavinaṁjuḍu noram̐
dīsi tīsi sārĕ sārĕm̐ dinnavāramu
(||aṁṭu||)
iṭṭu naṭṭu muṭṭarāni heyamaina tolum̐dolu
kuṭṭi kuṭṭi siggulammugŏnnavāramu
muṭṭu seyusoḍane mūlamūla sārĕ sārĕm̐
buṭṭi puṭṭi yābadalam̐ bŏṁduvāramu
(||aṁṭu||)
saṁpi saṁpi jīvulane savulaṁṭam̐ jĕḍḍadolum̐
gŏṁpalonam̐ dĕchchi pĕṭṭugŏnnavāramu
iṁpula nippuḍu veṁkaḍeśhum̐jeri bhavamula
siṁpi yiṁṭi haribhakti saravāramu