(॥పల్లవి॥)
అంతయు నీవే హరి పుండరీకాక్ష
చెంత నాకు నీవే శ్రీరఘురామా
(॥అంత॥)
కులమును నీవే గోవిందుఁడా నా-
కలిమియు నీవే కరుణానిధీ,
తలఁపును నీవే ధరణీధరా, నా-
నెలవును నీవే నీరజనాభా
(॥అంత॥)
తనువును నీవే దామోదరా, నా-
మనికియు నీవే మధుసూధనా
వినికియు నీవే విట్ఠలుఁడా, నా-
వెనకముందు నీవే విష్ణుదేవుఁడా
(॥అంత॥)
పుట్టుగు నీవే పురుషోత్తమా కొన
నట్ట నడుము నీవే నారాయణా,
యిట్టె శ్రీవేంకటేశ్వరుఁడా నాకు
నెట్టన గతి యింక నీవే నీవే
(||pallavi||)
aṁtayu nīve hari puṁḍarīgākṣha
sĕṁta nāgu nīve śhrīraghurāmā
(||aṁta||)
kulamunu nīve goviṁdum̐ḍā nā-
kalimiyu nīve karuṇānidhī,
talam̐punu nīve dharaṇīdharā, nā-
nĕlavunu nīve nīrajanābhā
(||aṁta||)
tanuvunu nīve dāmodarā, nā-
manigiyu nīve madhusūdhanā
vinigiyu nīve viṭṭhalum̐ḍā, nā-
vĕnagamuṁdu nīve viṣhṇudevum̐ḍā
(||aṁta||)
puṭṭugu nīve puruṣhottamā kŏna
naṭṭa naḍumu nīve nārāyaṇā,
yiṭṭĕ śhrīveṁkaḍeśhvarum̐ḍā nāgu
nĕṭṭana gadi yiṁka nīve nīve