(॥పల్లవి॥)
అంతర్యామీ వో అంతర్యామీ
బంతి నాకేమి గల్లా నా పాలివాఁడవు గావా
(॥అంత॥)
దొంతులై అన్ని యోనులాఁ దొల్లి నేఁ బుట్టేటినాఁడే
అంతరాత్మవైనవాఁడ వటు నీవేకా
ఇంతట విడిచేవా నన్నింద్రియాలఁ గట్టివేసి
పొంతఁ జూచేవిటు నాకుఁ బొత్తులకాఁపవుగా
(॥అంత॥)
తొడరి స్వర్గనరక దుఃఖసుఖములనాఁడు
అడరి కర్మసాక్షివటు నీవేకా
విడువ వెప్పుడు నన్ను విషయాలఁ జిక్కినాఁడ
కడ నూరకుండనేల కన్నవాఁడవు గావా
(॥అంత॥)
నీ చేతఁగానిది లేదు నీవు నాకుఁ బ్రాణమవు
కాచుటకు నీకంటే నొక్కరు వచ్చేరా
చేచేత శ్రీవేంకటేశ చేరి నీకు శరణంటి
యేచి నన్ను మన్నించితివిది నీ తేజముగాదా
(||pallavi||)
aṁtaryāmī vo aṁtaryāmī
baṁti nāgemi gallā nā pālivām̐ḍavu gāvā
(||aṁta||)
dŏṁtulai anni yonulām̐ dŏlli nem̐ buṭṭeḍinām̐ḍe
aṁtarātmavainavām̐ḍa vaḍu nīvegā
iṁtaḍa viḍisevā nanniṁdriyālam̐ gaṭṭivesi
pŏṁtam̐ jūseviḍu nāgum̐ bŏttulagām̐pavugā
(||aṁta||)
tŏḍari svarganaraga duḥkhasukhamulanām̐ḍu
aḍari karmasākṣhivaḍu nīvegā
viḍuva vĕppuḍu nannu viṣhayālam̐ jikkinām̐ḍa
kaḍa nūraguṁḍanela kannavām̐ḍavu gāvā
(||aṁta||)
nī sedam̐gānidi ledu nīvu nāgum̐ brāṇamavu
kāsuḍagu nīgaṁṭe nŏkkaru vachcherā
seseda śhrīveṁkaḍeśha seri nīgu śharaṇaṁṭi
yesi nannu manniṁchidividi nī tejamugādā