(॥పల్లవి॥)
అంతరుమాలినయట్టి అధములాల
పొంత సంతకూటమి పొరిచూపు గాదా
(॥అంత॥)
కనక మిత్తడితోడ కలయ సరిదూఁచితే
అనువవునా అది దోషమవుఁ గాక
ఘనుఁడైన హరితోఁ గడుహీనదేవతల
ననిచి సరివెట్టితే నయమవునా భువిని
(॥అంత॥)
పట్టభద్రుఁడు గూర్చుండే బలుసింహాసనముపై
వెట్టిబంటుఁ బెట్టేవారు వెఱ్ఱులేకారా
గట్టిగా శ్రీహరితోడ కలగంపదేవతలఁ
బెట్టి కొలుచుట విందువెట్టి పగగాదా
(॥అంత॥)
కొంచక సింహముండేటి గుహ నుండవచ్చునా
పొంచి నక్కలకెల్ల బొక్కలే కాక
అంచెల శ్రీవేంకటేశుఁ డాత్మలోనే వుండఁగాను
కొంచపుదైవాల పలువంచలనే కాక
(||pallavi||)
aṁtarumālinayaṭṭi adhamulāla
pŏṁta saṁtagūḍami pŏrisūbu gādā
(||aṁta||)
kanaga mittaḍidoḍa kalaya saridūm̐side
anuvavunā adi doṣhamavum̐ gāga
ghanum̐ḍaina haridom̐ gaḍuhīnadevadala
nanisi sarivĕṭṭide nayamavunā bhuvini
(||aṁta||)
paṭṭabhadrum̐ḍu gūrsuṁḍe balusiṁhāsanamubai
vĕṭṭibaṁṭum̐ bĕṭṭevāru vĕṭrulegārā
gaṭṭigā śhrīharidoḍa kalagaṁpadevadalam̐
bĕṭṭi kŏlusuḍa viṁduvĕṭṭi pagagādā
(||aṁta||)
kŏṁchaga siṁhamuṁḍeḍi guha nuṁḍavachchunā
pŏṁchi nakkalagĕlla bŏkkale kāga
aṁchĕla śhrīveṁkaḍeśhum̐ ḍātmalone vuṁḍam̐gānu
kŏṁchabudaivāla paluvaṁchalane kāga