(॥పల్లవి॥)
అంతరంతకు గాలినణఁగునా యనలంబు
కాంత నిట్టూర్పులాఁకలి చెరిచెఁ గాక
(॥అంత॥)
కలువలూరక నీటఁ గందునా యెందైనఁ
జెలియకన్నీరిట్లఁ జేసెఁ గాక
జలజంబుపై వేఁడి చల్లునా రవి యిట్ల
నలఁచి మదనాగ్ని వదనము నొంచెఁగాక
(॥అంత॥)
విరులకునుఁ దుమ్మిదలు వెరచునా యెందైన
మరుబాణముల నెరులు మలఁగెఁగాక
సరుస మంచునఁ దీగె వాడునా యెందైన
అరిది చెమటలనె దేహము నొగిలెఁ గాక
(॥అంత॥)
కుముదహితుఁడెందైనఁ గూడునా జక్కవల
కొమరె గుబ్బలమీఁదఁ గూడెఁ గాక
తిమిరంబు తిమిరమునఁ దెమలునా యెందైన
రమణి వేంకటవిభుని రతిమఱపుగాక
(||pallavi||)
aṁtaraṁtagu gālinaṇam̐gunā yanalaṁbu
kāṁta niṭṭūrbulām̐kali sĕrisĕm̐ gāga
(||aṁta||)
kaluvalūraga nīḍam̐ gaṁdunā yĕṁdainam̐
jĕliyagannīriṭlam̐ jesĕm̐ gāga
jalajaṁbubai vem̐ḍi sallunā ravi yiṭla
nalam̐si madanāgni vadanamu nŏṁchĕm̐gāga
(||aṁta||)
virulagunum̐ dummidalu vĕrasunā yĕṁdaina
marubāṇamula nĕrulu malam̐gĕm̐gāga
sarusa maṁchunam̐ dīgĕ vāḍunā yĕṁdaina
aridi sĕmaḍalanĕ dehamu nŏgilĕm̐ gāga
(||aṁta||)
kumudahidum̐ḍĕṁdainam̐ gūḍunā jakkavala
kŏmarĕ gubbalamīm̐dam̐ gūḍĕm̐ gāga
timiraṁbu timiramunam̐ dĕmalunā yĕṁdaina
ramaṇi veṁkaḍavibhuni radimaṟabugāga