అంతరంగమెల్లా శ్రీహరి కొప్పించకుండితే
(॥పల్లవి॥)
అంతరంగమెల్లా శ్రీహరి కొప్పించకుండితే
వింతవింత విధముల వీడునా బంధములు
(॥అంత॥)
మనుజుఁడై ఫలమేది మఱి జ్ఞానియౌదాఁక
తనువెత్తి ఫలమేది దయగలుగుదాఁక
ధనికుఁడై ఫలమేది ధర్మము సేయుదాఁకా
పనిమాలి ముదిసితే పాసెనా భవము
(॥అంత॥)
చదివియు ఫలమేది శాంతముగలుగుదాఁకా
పెదవెత్తి ఫలమేది ప్రియమాడుదాఁకను
మదిగల్గి ఫలమేది మాధవుఁ దలఁచుదాఁకా
యెదుట తారాజై తే నేలెనా పరము
(॥అంతా॥)
పావనుఁడై ఫలమేది భక్తిగలిగినదాఁకా
జీవించేటిఫలమేది చింతదీరుదాఁకను
వేవేల ఫలమేది శ్రీవేంకటేశుఁ గన్నదాఁకా
భావించి తా దేవుఁడై తేఁ బ్రత్యక్షమవునా
(||pallavi||)
aṁtaraṁgamĕllā śhrīhari kŏppiṁchaguṁḍide
viṁtaviṁta vidhamula vīḍunā baṁdhamulu
(||aṁta||)
manujum̐ḍai phalamedi maṟi jñāniyaudām̐ka
tanuvĕtti phalamedi dayagalugudām̐ka
dhanigum̐ḍai phalamedi dharmamu seyudām̐kā
panimāli mudiside pāsĕnā bhavamu
(||aṁta||)
sadiviyu phalamedi śhāṁtamugalugudām̐kā
pĕdavĕtti phalamedi priyamāḍudām̐kanu
madigalgi phalamedi mādhavum̐ dalam̐sudām̐kā
yĕduḍa tārājai te nelĕnā paramu
(||aṁtā||)
pāvanum̐ḍai phalamedi bhaktigaliginadām̐kā
jīviṁcheḍiphalamedi siṁtadīrudām̐kanu
vevela phalamedi śhrīveṁkaḍeśhum̐ gannadām̐kā
bhāviṁchi tā devum̐ḍai tem̐ bratyakṣhamavunā