అమ్మే దొకటియును అసిమలోని దొకటి
(॥పల్లవి॥)
అమ్మే దొకటియును అసిమలోని దొకటి
ఇమ్ముల మాగుణములు యెంచఁ జోటేదయ్యా
(॥అమ్మే॥)
యెప్పుడు నేము చూచిన నింద్రియకింకరులము
ఇప్పుడు నీకింకరుల మెట్టయ్యేమో
తప్పక ధనమునకు దాస్యము నేము సేసేము
చెప్పి నీదాసులమన సిగ్గుగాదా మాకు
(॥అమ్మే॥)
పడఁతుల కెప్పుడును పరతంత్రులము నేము
వడి నీ పరతంత్రభావము మాకేది
నడుమ రుచులకే నాలుక అమ్ముడువోయ
యెడయేది నిన్ను నుతిఇంచేఅందుకును
(॥అమ్మే॥)
తనువులంపటానకు తగ మీఁదెత్తితిమిదె
వొనరి నీవూడిగాన కొదిగేదెట్టు
ననిచి శ్రీవేంకటేశ నాఁడే నీకు శరణంటి
వెనక ముందెంచక నీవే కావవయ్యా
(||pallavi||)
amme dŏgaḍiyunu asimaloni dŏgaḍi
immula māguṇamulu yĕṁcham̐ joḍedayyā
(||amme||)
yĕppuḍu nemu sūsina niṁdriyagiṁkarulamu
ippuḍu nīgiṁkarula mĕṭṭayyemo
tappaga dhanamunagu dāsyamu nemu sesemu
sĕppi nīdāsulamana siggugādā māgu
(||amme||)
paḍam̐tula kĕppuḍunu paradaṁtrulamu nemu
vaḍi nī paradaṁtrabhāvamu māgedi
naḍuma rusulage nāluga ammuḍuvoya
yĕḍayedi ninnu nudiiṁcheaṁdugunu
(||amme||)
tanuvulaṁpaḍānagu taga mīm̐dĕttidimidĕ
vŏnari nīvūḍigāna kŏdigedĕṭṭu
nanisi śhrīveṁkaḍeśha nām̐ḍe nīgu śharaṇaṁṭi
vĕnaga muṁdĕṁchaga nīve kāvavayyā