Bandhannalokkeyum vyarttham

ബന്ധങ്ങളൊക്കെയും വ്യര്‍ത്ഥം - പിന്നെ
എന്തിനീ അവകാശത്തര്‍ക്കം
ബന്ധങ്ങളൊക്കെയും വ്യര്‍ത്ഥം - പിന്നെ
എന്തിനീ അവകാശത്തര്‍ക്കം
പ്രപഞ്ചമേ ഒരു മിഥ്യ അതില്‍
പ്രതീക്ഷയോ നിത്യ നിരര്‍ത്ഥത
പ്രപഞ്ചമേ ഒരു മിഥ്യ അതില്‍
പ്രതീക്ഷയോ നിത്യ നിരര്‍ത്ഥത

ക്ഷണപ്രഭാചഞ്ചലമീ ജീവിതം - നമ്മള്‍
ക്ഷണിക്കാതിവിടെ വന്ന വിരുന്നുകാര്‍
മോഹങ്ങള്‍ വന്ധ്യമേഘങ്ങള്‍
ശാപമോക്ഷം കാക്കുന്ന
കരിങ്കല്ലുകള്‍ (ബന്ധങ്ങളൊക്കെയും)

മനുഷ്യന്‍ ഒരു മഹാ നിര്‍ഭാഗ്യവാന്‍ - എന്നും
മനസ്സില്‍ തീയെരിയുന്ന നിസ്സഹായന്‍
ഏതോ നേടാനവന്‍ പാടുപെടുന്നൂ
ഏതോ നേടാനവന്‍ പാടുപെടുന്നൂ - പക്ഷേ
യാതൊന്നും സ്വന്തമായ് നേടുന്നില്ലാ
(ബന്ധങ്ങളൊക്കെയും)