అమ్మవారు నయ్యవారు నండనె కూచున్నవారు
(॥పల్లవి॥)
అమ్మవారు నయ్యవారు నండనె కూచున్నవారు
యిమ్ముల నిద్దర జాణ లేమందమే
(॥అమ్మ॥)
కొల్లున నవ్వీ నతఁడు గుట్టున నున్నది యాకె
తెల్లవారుదాఁకా మాఁటదిద్దనె పట్టె
పల్లద మాతనివంక పంతము లీచెలివంక
యిల్లిదె యిద్దరూ సరె యేమందమే
(॥అమ్మ॥)
తొక్కుఁ బాదము లతఁడు తొరలి పెనఁగు నీకె
చెక్కులు నొక్కి బుద్దులు చెప్పనె పట్టె
మొక్కల మాతనిపాలు మురిపె మీసతిపాలు
యెక్కెఁజల మిద్దరికి నేమందమే
(॥అమ్మ॥)
చేతులు చాఁచు నతఁడు సిగ్గుననుండు నీకె
యీతల విడే లిద్దరి కియ్యనె పట్టె
ఆతఁడు శ్రీవెంకటేశుఁ డలమేలుమంగయింతి
యేతుల నిద్దరూఁ గూడి రేమందమే
(||pallavi||)
ammavāru nayyavāru naṁḍanĕ kūsunnavāru
yimmula niddara jāṇa lemaṁdame
(||amma||)
kŏlluna navvī nadam̐ḍu guṭṭuna nunnadi yāgĕ
tĕllavārudām̐kā mām̐ṭadiddanĕ paṭṭĕ
pallada mādanivaṁka paṁtamu līsĕlivaṁka
yillidĕ yiddarū sarĕ yemaṁdame
(||amma||)
tŏkkum̐ bādamu ladam̐ḍu tŏrali pĕnam̐gu nīgĕ
sĕkkulu nŏkki buddulu sĕppanĕ paṭṭĕ
mŏkkala mādanibālu muribĕ mīsadibālu
yĕkkĕm̐jala middarigi nemaṁdame
(||amma||)
sedulu sām̐su nadam̐ḍu siggunanuṁḍu nīgĕ
yīdala viḍe liddari kiyyanĕ paṭṭĕ
ādam̐ḍu śhrīvĕṁkaḍeśhum̐ ḍalamelumaṁgayiṁti
yedula niddarūm̐ gūḍi remaṁdame