అంజినీదేవికొడుకు హనుమంతుఁడు
(॥పల్లవి॥)
అంజినీదేవికొడుకు హనుమంతుఁడు
సంజీవిని దెచ్చినాఁడు సారె హనుమంతుఁడు
(॥అంజి॥)
కలశాపురముకాడ కదలీవనాల నీఁడ
అలవాఁడె వున్నవాఁడు హనుమంతుఁడు
అలరుఁ గొండలకోన లందలిగుహలలోన
కొలువు సేయించుకొనీఁ గోరి హనుమంతుఁడు
(॥అంజి॥)
పసలుగా జంగవెట్టి పండ్లగుత్తి చేతఁబట్టి
అసురలనెల్లఁ గొట్టీ హనుమంతుఁడు
వసుధ బ్రతాపించి వడిఁ దోఁక గదలించి
దెసలెల్లాఁ బాలించీ దివ్యహనుమంతుఁడు
(॥అంజి॥)
వుద్దవిడి లంకచొచ్చి వుంగరము సీతకిచ్చి
అద్దివో రాము మెప్పించె హనుమంతుఁడు
అద్దుక శ్రీవేంకటేశు కటుబంటై వరమిచ్చి
కొద్ది మీర సంతోసాలే గుప్పీ హనుమంతుఁడు
(||pallavi||)
aṁjinīdevigŏḍugu hanumaṁtum̐ḍu
saṁjīvini dĕchchinām̐ḍu sārĕ hanumaṁtum̐ḍu
(||aṁji||)
kalaśhāburamugāḍa kadalīvanāla nīm̐ḍa
alavām̐ḍĕ vunnavām̐ḍu hanumaṁtum̐ḍu
alarum̐ gŏṁḍalagona laṁdaliguhalalona
kŏluvu seyiṁchugŏnīm̐ gori hanumaṁtum̐ḍu
(||aṁji||)
pasalugā jaṁgavĕṭṭi paṁḍlagutti sedam̐baṭṭi
asuralanĕllam̐ gŏṭṭī hanumaṁtum̐ḍu
vasudha bradābiṁchi vaḍim̐ dom̐ka gadaliṁchi
dĕsalĕllām̐ bāliṁchī divyahanumaṁtum̐ḍu
(||aṁji||)
vuddaviḍi laṁkasŏchchi vuṁgaramu sīdagichchi
addivo rāmu mĕppiṁchĕ hanumaṁtum̐ḍu
adduga śhrīveṁkaḍeśhu kaḍubaṁṭai varamichchi
kŏddi mīra saṁtosāle guppī hanumaṁtum̐ḍu