(॥పల్లవి॥)
అంజనాతనయుఁడైన హనుమంతుఁడు
రంజితపు మతంగపర్వత హనుమంతుఁడు
(॥అంజ॥)
రాకాసునెల్లాఁ గొట్టి రావణుని భంగపెట్టి
ఆకాసము మోచెనదే హనుమంతుఁడు
చేకొని యుంగరమిచ్చి సీతకు సేమము చెప్పె
భీకర ప్రతాపపు పెద్ద హనుమంతుఁడు
(॥అంజ॥)
రాముని మెప్పించి మధ్యరాతిరి సంజీవి దెచ్చి
ఆముకొని యున్నాఁడు హనుమంతుఁడు
స్వామికార్యమునకే సరిఁ బేరువడ్డవాఁడు
ప్రేమముతోఁ బూజగొనీఁ బెద్ద హనుమంతుఁడు
(॥అంజ॥)
ఉదయాస్తశైలముల కొక్కజంగగాఁ జాఁచి
అదె సూర్యుతోఁ జదివె హనుమంతుఁడు
యెదుట శ్రీవేంకటేశు కిష్టుఁడై రామజపానఁ
బెదవులు గదలించీఁ బెద్ద హనుమంతుఁడు
(||pallavi||)
aṁjanādanayum̐ḍaina hanumaṁtum̐ḍu
raṁjidabu madaṁgabarvada hanumaṁtum̐ḍu
(||aṁja||)
rāgāsunĕllām̐ gŏṭṭi rāvaṇuni bhaṁgabĕṭṭi
āgāsamu mosĕnade hanumaṁtum̐ḍu
segŏni yuṁgaramichchi sīdagu semamu sĕppĕ
bhīgara pradābabu pĕdda hanumaṁtum̐ḍu
(||aṁja||)
rāmuni mĕppiṁchi madhyarādiri saṁjīvi dĕchchi
āmugŏni yunnām̐ḍu hanumaṁtum̐ḍu
svāmigāryamunage sarim̐ beruvaḍḍavām̐ḍu
premamudom̐ būjagŏnīm̐ bĕdda hanumaṁtum̐ḍu
(||aṁja||)
udayāstaśhailamula kŏkkajaṁgagām̐ jām̐si
adĕ sūryudom̐ jadivĕ hanumaṁtum̐ḍu
yĕduḍa śhrīveṁkaḍeśhu kiṣhṭum̐ḍai rāmajabānam̐
bĕdavulu gadaliṁchīm̐ bĕdda hanumaṁtum̐ḍu