అంగనలేమన్నా నన్నునంటిరి గాని
(॥పల్లవి॥)
అంగనలేమన్నా నన్నునంటిరి గాని
కుంగని కుచాలఁ దన్ను కుమ్మవద్దా యిఁకను
(॥అంగ॥)
అల్లవిగో తనమేననప్పటి పెంజెమటలు
మల్లాడి నామేనఁ జమరవచ్చీని
పల్లదాన నేఁదన్ను పట్టుక యిందుకుఁదగ
వెల్లవిరిఁ దమలాన వేయవద్దా యిఁకను
(॥అంగ॥)
ఇదిగదే తనమేన యెరవులకంటమాల
బెదరక నామెడఁ బెట్టవచ్చీని
కుదియించి యిందుకుఁ దనకురులు నాపదమున
నదిమి యేమైనాఁ జేసి ఆఁగవద్దా యిఁకను
(॥అంగ॥)
కట్టుకవున్నాఁడదె కానెగా యెవ్వతో చీర
వెట్టికి నాపైఁ గొంగు వేయవచ్చీని
ఇట్టె శ్రీ వేంకటేశుఁడు యెమ్మెతోఁగూడినందుకు
తిట్టురాని తిట్లెల్లాఁ దిట్టవద్దా యిఁకను
(||pallavi||)
aṁganalemannā nannunaṁṭiri gāni
kuṁgani kusālam̐ dannu kummavaddā yim̐kanu
(||aṁga||)
allavigo tanamenanappaḍi pĕṁjĕmaḍalu
mallāḍi nāmenam̐ jamaravachchīni
palladāna nem̐dannu paṭṭuga yiṁdugum̐daga
vĕllavirim̐ damalāna veyavaddā yim̐kanu
(||aṁga||)
idigade tanamena yĕravulagaṁṭamāla
bĕdaraga nāmĕḍam̐ bĕṭṭavachchīni
kudiyiṁchi yiṁdugum̐ danagurulu nābadamuna
nadimi yemainām̐ jesi ām̐gavaddā yim̐kanu
(||aṁga||)
kaṭṭugavunnām̐ḍadĕ kānĕgā yĕvvado sīra
vĕṭṭigi nābaim̐ gŏṁgu veyavachchīni
iṭṭĕ śhrī veṁkaḍeśhum̐ḍu yĕmmĕdom̐gūḍinaṁdugu
tiṭṭurāni tiṭlĕllām̐ diṭṭavaddā yim̐kanu