(॥పల్లవి॥)
అంగనలాల మనచే నాడించుకొనెఁగాని
సంగతెఱిఁగిన నెరజాణఁ డితఁడే
(॥అంగ॥)
వొడలులేనివాని కొక్కఁడే తండ్రాయఁగాని
తడయక పురుషోత్తముఁ డితఁడే
బడబాగ్ని జలధికిఁ బాయకల్లుఁడాయఁగాని
వెడలించె నమృతము విష్ణుఁ డితడే
(॥అంగ॥)
పులిగూడుదిన్న వానిపొం దొక్కటే సేసెఁగాని
నలువంక లక్ష్మీనాథుఁ డితఁడే
చలికిఁ గోవరివానిసరుస బావాయఁగాని
పలుదేవతలకెల్ల ప్రాణబంధుఁ డితఁడే
(॥అంగ॥)
యెక్కడో గొల్లసతుల కింటిమగఁడాయఁగాని
తక్కక వెదకే పరతత్వ మితఁడే
మిక్కిలి శ్రీవేంకటాద్రిమీఁద మమ్ము నేలెఁగాని
తక్కక వేదము చెప్పే దైవమీతఁడే
(||pallavi||)
aṁganalāla manase nāḍiṁchugŏnĕm̐gāni
saṁgadĕṟim̐gina nĕrajāṇam̐ ḍidam̐ḍe
(||aṁga||)
vŏḍalulenivāni kŏkkam̐ḍe taṁḍrāyam̐gāni
taḍayaga puruṣhottamum̐ ḍidam̐ḍe
baḍabāgni jaladhigim̐ bāyagallum̐ḍāyam̐gāni
vĕḍaliṁchĕ namṛtamu viṣhṇum̐ ḍidaḍe
(||aṁga||)
puligūḍudinna vānibŏṁ dŏkkaḍe sesĕm̐gāni
naluvaṁka lakṣhmīnāthum̐ ḍidam̐ḍe
saligim̐ govarivānisarusa bāvāyam̐gāni
paludevadalagĕlla prāṇabaṁdhum̐ ḍidam̐ḍe
(||aṁga||)
yĕkkaḍo gŏllasadula kiṁṭimagam̐ḍāyam̐gāni
takkaga vĕdage paradatva midam̐ḍe
mikkili śhrīveṁkaḍādrimīm̐da mammu nelĕm̐gāni
takkaga vedamu sĕppe daivamīdam̐ḍe