(॥పల్లవి॥)
అంగనకు నీవె అఖిలసామ్రాజ్యము
శ్రింగారరాయఁడ నీకు శ్రీసతినిధానము
(॥అంగ॥)
కమలాలపానుపు కాంతకు నీవురము
ప్రమదపు నీమనసు పాలజలధి
అమరు నీభుజాంతర మట్టె తీగెపొదరిల్లు
రమణీయ హారాలు రత్నాలమేడలు
(॥అంగ॥)
సతికి నీమెడ రతిసాముసేసేకంబము
ప్రతిలేని వయ్యాళి బయలు నీవు
మతించిన కౌస్తుభమణి నిలువుటద్దము
మితిలేని శ్రీవత్సము మించు బండారుముద్ర
(॥అంగ॥)
నెమ్మి నలమేల్మంగ నీ కాఁగిలి పెండ్లిపీఁట
చిమ్ముల చందనచర్చ సేసపాలు
వుమ్మడి మెడనూళ్ళు వుయ్యాలసరపణులు
పమ్మి శ్రీవెంకటేశ నీభావమే భోగము
(||pallavi||)
aṁganagu nīvĕ akhilasāmrājyamu
śhriṁgārarāyam̐ḍa nīgu śhrīsadinidhānamu
(||aṁga||)
kamalālabānubu kāṁtagu nīvuramu
pramadabu nīmanasu pālajaladhi
amaru nībhujāṁtara maṭṭĕ tīgĕbŏdarillu
ramaṇīya hārālu ratnālameḍalu
(||aṁga||)
sadigi nīmĕḍa radisāmusesegaṁbamu
pradileni vayyāḽi bayalu nīvu
madiṁchina kaustubhamaṇi niluvuḍaddamu
midileni śhrīvatsamu miṁchu baṁḍārumudra
(||aṁga||)
nĕmmi nalamelmaṁga nī kām̐gili pĕṁḍlibīm̐ṭa
simmula saṁdanasarsa sesabālu
vummaḍi mĕḍanūḽḽu vuyyālasarabaṇulu
pammi śhrīvĕṁkaḍeśha nībhāvame bhogamu