(॥పల్లవి॥)
అంగన యెట్టుండినా నమరుఁగాక
సంగతే నీకు నాపె సాటికిఁ బెనఁగను
(॥అంగన॥)
తనకుఁ బోఁదైనచోట తగిలి మాటాడకున్న
మనుజుఁడా వాఁడు పెద్దమాకు గాక
చనవునఁ బెనఁగఁగా సమ్మతించకుండితేను
ఘనత యేది? చులకఁదనమే కాక
(॥అంగన॥)
చెల్లుబడి గలచోట సిగ్గులు విడువకున్న
బల్లిదుఁడా వాఁడు కడు పందగాక
వెల్లివిరి నవ్వఁగాను వీడుదోళ్ళాడకున్న
చల్లేటి వలపులేవి? సటలింతే కాక
(॥అంగన॥)
తారుకాణలైనచోట తమకించి కూడకున్న
చేరఁగ జాణఁడా గోడచేరుపు గాక
యీరీతి శ్రీ వేంకటేశ యిట్టె రఘునాథుఁడవై
కూరిమిఁ గూడితివిది కొత్తలింతే కాక
(||pallavi||)
aṁgana yĕṭṭuṁḍinā namarum̐gāga
saṁgade nīgu nābĕ sāḍigim̐ bĕnam̐ganu
(||aṁgana||)
tanagum̐ bom̐dainasoḍa tagili māḍāḍagunna
manujum̐ḍā vām̐ḍu pĕddamāgu gāga
sanavunam̐ bĕnam̐gam̐gā sammadiṁchaguṁḍidenu
ghanada yedi? sulagam̐daname kāga
(||aṁgana||)
sĕllubaḍi galasoḍa siggulu viḍuvagunna
ballidum̐ḍā vām̐ḍu kaḍu paṁdagāga
vĕlliviri navvam̐gānu vīḍudoḽḽāḍagunna
salleḍi valabulevi? saḍaliṁte kāga
(||aṁgana||)
tārugāṇalainasoḍa tamagiṁchi kūḍagunna
seram̐ga jāṇam̐ḍā goḍaserubu gāga
yīrīdi śhrī veṁkaḍeśha yiṭṭĕ raghunāthum̐ḍavai
kūrimim̐ gūḍidividi kŏttaliṁte kāga