అంగన చెలువు చూడవయ్యా నీవు
(॥పల్లవి॥)
అంగన చెలువు చూడవయ్యా నీవు
సంగడి సింగారాలు సతమై నిలిచెను
(॥అంగ॥)
వెంటనె చంద్రుఁడు గడు వెన్నెల గాయఁగాను
వొంటిఁ జీఁకటి వెనకకొదిగినట్లు
నంటున నేఁడీచెలియ నవ్వుమోముతోనుండఁగ
అంటి వీఁపునఁ దురుము అందమై నిలిచెను
(॥అంగ॥)
చెలరేఁగి సింహము చేరి యెక్కితే భారాన
వెలికిఁ గరికుంభాలు వీఁగినయట్లు
మెలుఁత సన్నపు నడిమితోఁ జెలఁగఁగాను
బలిమిఁ బిరుఁదు కిందుపడి తా నిలిచెను
(॥అంగ॥)
కోవిల వేడుకఁ జవిగొనఁగా లేఁతచిగురు
శ్రీ వెంకటేశ్వర చిల్లులైనట్లు
నీవింతిఁ గూడఁగా నాపె నేరుపుల మాటలతో
వావాత మోవి కెంపులు వరుసలై నిలిచె
(||pallavi||)
aṁgana sĕluvu sūḍavayyā nīvu
saṁgaḍi siṁgārālu sadamai nilisĕnu
(||aṁga||)
vĕṁṭanĕ saṁdrum̐ḍu gaḍu vĕnnĕla gāyam̐gānu
vŏṁṭim̐ jīm̐kaḍi vĕnagagŏdiginaṭlu
naṁṭuna nem̐ḍīsĕliya navvumomudonuṁḍam̐ga
aṁṭi vīm̐punam̐ durumu aṁdamai nilisĕnu
(||aṁga||)
sĕlarem̐gi siṁhamu seri yĕkkide bhārāna
vĕligim̐ gariguṁbhālu vīm̐ginayaṭlu
mĕlum̐ta sannabu naḍimidom̐ jĕlam̐gam̐gānu
balimim̐ birum̐du kiṁdubaḍi tā nilisĕnu
(||aṁga||)
kovila veḍugam̐ javigŏnam̐gā lem̐tasiguru
śhrī vĕṁkaḍeśhvara sillulainaṭlu
nīviṁtim̐ gūḍam̐gā nābĕ nerubula māḍalado
vāvāda movi kĕṁpulu varusalai nilisĕ