(॥పల్లవి॥)
అందులకుఁ గాదు నిన్నడిగేది
ముందరి పనులకే మొక్కేఁ గాని
(॥అందు॥)
సకలలోకములకు స్వామివైన నీవు
వొకని నన్నేల లేక వొల్ల ననేవా
మొకరివై భూమెల్ల మోచి యుండిన నీవు
ఆకట నాపరభారా లాఁప ననేవా
(॥అందు॥)
పలుజీవులకు నెల్ల ప్రాణమవైన నీవు
వొలసి నాలో నుండ నొల్ల ననేవా
కలిగి బ్రహ్మదులను కనిపెంచిన నీవు
పెలుచనైన నన్నుఁ బెంచ ననేవా
(॥అందు॥)
వరుస నందరికిని వరదుఁడైన నీవు
యిరవై వరము నాకు నియ్య ననేవా
యెరపు లేక శ్రీ వేంకటేశ నాకు నిహమెల్ల
కరుణతో నిచ్చితివి కడమలు గలవా
(||pallavi||)
aṁdulagum̐ gādu ninnaḍigedi
muṁdari panulage mŏkkem̐ gāni
(||aṁdu||)
sagalalogamulagu svāmivaina nīvu
vŏgani nannela lega vŏlla nanevā
mŏgarivai bhūmĕlla mosi yuṁḍina nīvu
āgaḍa nābarabhārā lām̐pa nanevā
(||aṁdu||)
palujīvulagu nĕlla prāṇamavaina nīvu
vŏlasi nālo nuṁḍa nŏlla nanevā
kaligi brahmadulanu kanibĕṁchina nīvu
pĕlusanaina nannum̐ bĕṁcha nanevā
(||aṁdu||)
varusa naṁdarigini varadum̐ḍaina nīvu
yiravai varamu nāgu niyya nanevā
yĕrabu lega śhrī veṁkaḍeśha nāgu nihamĕlla
karuṇado nichchidivi kaḍamalu galavā