(॥పల్లవి॥)
అందుకుంటే గెలిచితివౌనే నీవు
సందడినెప్పుడు నీవు చనవులిచ్చేవో
(॥అందు॥)
కూరిమి నీయెలుఁగులు కోవిలకూఁతలును
వోరలేకని చందాలొక్కటందురు
ఆరితేరి ఆరునెల్లకైనాఁ బలుకవని
పేరుకొన్నా నీవైతే బీరానఁ బలుకవు
(॥అందు॥)
కమ్మిన నీ కన్నులును కలువ పూవులును
నెమ్మదిని వొక్కతోడునీడలందురు
పమ్మి వికసించు మాపటికవి నీవైతే
వుమ్మడి నే వొద్దనుంటే వొక్కింతాఁ జూడవు
(॥అందు॥)
అంది నీ చేతులుఁ దీగెలవి వొక్కసరందురు
కందువనరడునవి కౌఁగలించవు
చెంది కూడితివింతలో శ్రీ వేంకటేశుఁడనని
ముందునేనంటితేఁ గాని మొనగోరు మోపవు
(||pallavi||)
aṁduguṁṭe gĕlisidivaune nīvu
saṁdaḍinĕppuḍu nīvu sanavulichchevo
(||aṁdu||)
kūrimi nīyĕlum̐gulu kovilagūm̐talunu
voralegani saṁdālŏkkaḍaṁduru
ārideri ārunĕllagainām̐ balugavani
perugŏnnā nīvaide bīrānam̐ balugavu
(||aṁdu||)
kammina nī kannulunu kaluva pūvulunu
nĕmmadini vŏkkadoḍunīḍalaṁduru
pammi vigasiṁchu mābaḍigavi nīvaide
vummaḍi ne vŏddanuṁṭe vŏkkiṁtām̐ jūḍavu
(||aṁdu||)
aṁdi nī sedulum̐ dīgĕlavi vŏkkasaraṁduru
kaṁduvanaraḍunavi kaum̐galiṁchavu
sĕṁdi kūḍidiviṁtalo śhrī veṁkaḍeśhum̐ḍanani
muṁdunenaṁṭidem̐ gāni mŏnagoru mobavu