అందుకుఁగాదు నేఁ గొల్చు టామీఁది పని కింతే
(॥పల్లవి॥)
అందుకుఁగాదు నేఁ గొల్చు టామీఁది పని కింతే
ఇందునందు నీవే కర్త విందిరారమణ
(॥అందు॥)
ఇంచుకంత వేలఁ గొండ యెత్తిన దేవుఁడవు
ముంచి నాసంసారభారము మోవలేవా
అంచల దేవతలకు నమృతమిచ్చిన నీవు
కంచాన నన్నమువెట్టి కాచుట నన్నెంత
(॥అందు॥)
వడి ద్రౌపది కక్షయ వలువలిచ్చిన నీవు
బెడఁగు నాకుఁ గట్ని(ట్టని?) చ్చి పెంచుటెంత
జడసి యింద్రాదులకు సంపదిచ్చినట్టి నీవు
కడు నాకు నైహికభోగము లిచ్చు టెంత
(॥అందు॥)
పొసఁగ లోకములెల్లఁ బూర్ణుఁడవైన నీవు
వుసురై నాలోన (నే?) నీవు వుండుటెంత
వసుధ శ్రీవేంకటేశ వరములిచ్చే నీకు
దెస నాకోరికెలెల్లాఁ దీర్చుటెంత
(||pallavi||)
aṁdugum̐gādu nem̐ gŏlsu ṭāmīm̐di pani kiṁte
iṁdunaṁdu nīve karda viṁdirāramaṇa
(||aṁdu||)
iṁchugaṁta velam̐ gŏṁḍa yĕttina devum̐ḍavu
muṁchi nāsaṁsārabhāramu movalevā
aṁchala devadalagu namṛtamichchina nīvu
kaṁchāna nannamuvĕṭṭi kāsuḍa nannĕṁta
(||aṁdu||)
vaḍi draubadi kakṣhaya valuvalichchina nīvu
bĕḍam̐gu nāgum̐ gaṭni(ṭṭani?) schi pĕṁchuḍĕṁta
jaḍasi yiṁdrādulagu saṁpadichchinaṭṭi nīvu
kaḍu nāgu naihigabhogamu lichchu ṭĕṁta
(||aṁdu||)
pŏsam̐ga logamulĕllam̐ būrṇum̐ḍavaina nīvu
vusurai nālona (ne?) nīvu vuṁḍuḍĕṁta
vasudha śhrīveṁkaḍeśha varamulichche nīgu
dĕsa nāgorigĕlĕllām̐ dīrsuḍĕṁta