(॥పల్లవి॥)
అందుకు హరికథయను తీర్థంబున
నింద వాసె నిఁక నిర్మలమైతి
(॥అందు॥)
కంతునిముట్టంటు గలసె మదిలో
యెంతట శుద్ధౌనో యెరఁగమిఁక
సంతత సంసార జలధుల మునిఁగెద
పొంతగర్మము పోదింకాను
(॥అందు॥)
మాయపు టాసల మాలు గలసె మది
యేయెడ శుద్ధౌనో యెరఁగమిఁక
ఆయపుభవములయనలము చొచ్చితి
పోయినఁగర్మము పోదింకాను
(॥అందు॥)
చక్కఁగఁ గలిదోసము గలసెను మది
నెక్కడ వోయెనో యెరఁగమిఁక
దక్కి శ్రీవేంకటదైవముఁ గొలిచితి
పుక్కట గర్వము పోదింకాను
(||pallavi||)
aṁdugu harigathayanu tīrdhaṁbuna
niṁda vāsĕ nim̐ka nirmalamaidi
(||aṁdu||)
kaṁtunimuṭṭaṁṭu galasĕ madilo
yĕṁtaḍa śhuddhauno yĕram̐gamim̐ka
saṁtada saṁsāra jaladhula munim̐gĕda
pŏṁtagarmamu podiṁkānu
(||aṁdu||)
māyabu ṭāsala mālu galasĕ madi
yeyĕḍa śhuddhauno yĕram̐gamim̐ka
āyabubhavamulayanalamu sŏchchidi
poyinam̐garmamu podiṁkānu
(||aṁdu||)
sakkam̐gam̐ galidosamu galasĕnu madi
nĕkkaḍa voyĕno yĕram̐gamim̐ka
dakki śhrīveṁkaḍadaivamum̐ gŏlisidi
pukkaḍa garvamu podiṁkānu