అందుకే వెఱచేనో యమ్మలాలా తన
(॥పల్లవి॥)
అందుకే వెఱచేనో యమ్మలాలా తన
కందువకే పారఁబోయి కాలుజారె బిడ్డఁడు
(॥అందుకే॥)
పాలకడవలును బానలవెన్నలును
ఓలిం బెట్టి వుట్లపై నుండంగాను
నేలనుండి యెగసి నిక్కితీసె నిదివో
పాలు గాసు సేయ విడి పడఁబోయె బిడ్డఁడు
(॥అందుకే॥)
కమ్మని నేతులును గడ్డల జున్నులును
కమ్మి వెద్దకాఁగులతో కాఁగంగాను
దిమ్మరియై తొడికి తియ్యం బోయీ నిదివో
అమ్మరో వ్రేళ్లు పొక్కి అగ్గిదాఁకి బిడ్డఁడు
(॥అందుకే॥)
కోడెలఁ బేయలను కూడఁగట్టి విడిచి
వోడక వీథులం బరువులు దోలీని
వేడుక కాఁ డిదెవో వేంకటేశ్వరుఁడు
ఆడకు నీడకుఁ బాఱి అలసీని బిడ్డఁడు
(||pallavi||)
aṁduge vĕṟaseno yammalālā tana
kaṁduvage pāram̐boyi kālujārĕ biḍḍam̐ḍu
(||aṁduge||)
pālagaḍavalunu bānalavĕnnalunu
oliṁ bĕṭṭi vuṭlabai nuṁḍaṁgānu
nelanuṁḍi yĕgasi nikkidīsĕ nidivo
pālu gāsu seya viḍi paḍam̐boyĕ biḍḍam̐ḍu
(||aṁduge||)
kammani nedulunu gaḍḍala junnulunu
kammi vĕddagām̐gulado kām̐gaṁgānu
dimmariyai tŏḍigi tiyyaṁ boyī nidivo
ammaro vreḽlu pŏkki aggidām̐ki biḍḍam̐ḍu
(||aṁduge||)
koḍĕlam̐ beyalanu kūḍam̐gaṭṭi viḍisi
voḍaga vīthulaṁ baruvulu dolīni
veḍuga kām̐ ḍidĕvo veṁkaḍeśhvarum̐ḍu
āḍagu nīḍagum̐ bāṟi alasīni biḍḍam̐ḍu