అందుకే సుమ్మీ నేఁ జేసే ఆచారాలు దైవమా
(॥పల్లవి॥)
అందుకే సుమ్మీ నేఁ జేసే ఆచారాలు దైవమా
నిందవాయ నా మనసు నీపై నిలుపవే
(॥అందు॥)
బట్టబయటఁ దోలితేను బందె మేయుఁ బసురము
పట్టి మేపితేను తనపనులు సేయు
ఇట్టె వదిలితేను యెందైనాఁ బారు మనసు
కట్టుక నే మఁస్తుడైతే కైవసమై యుండును
(॥అందు॥)
బడి దప్పితే బంట్లు పరదేసు లౌదురు
యెడయక కూడుకొంటే హితు లౌదురు
విడిచితే నిటులానే కడకుఁ బారు మనసు
వొడలిలో నణఁచితే వొద్దికై వుండును
(॥అందు॥)
చే వదలితే పెంచిన చిలుకైనా మేడ లెక్కు
రావించి గూఁటఁ బెట్టితే రామా యనును
భావించకుండితే యిట్టె పారు నెందైనా మనసు
శ్రీవేంకటేశుఁ గొల్చితే చేతఁ జిక్కి వుండును
(||pallavi||)
aṁduge summī nem̐ jese āsārālu daivamā
niṁdavāya nā manasu nībai nilubave
(||aṁdu||)
baṭṭabayaḍam̐ dolidenu baṁdĕ meyum̐ basuramu
paṭṭi mebidenu tanabanulu seyu
iṭṭĕ vadilidenu yĕṁdainām̐ bāru manasu
kaṭṭuga ne mam̐stuḍaide kaivasamai yuṁḍunu
(||aṁdu||)
baḍi dappide baṁṭlu paradesu lauduru
yĕḍayaga kūḍugŏṁṭe hidu lauduru
viḍiside niḍulāne kaḍagum̐ bāru manasu
vŏḍalilo naṇam̐side vŏddigai vuṁḍunu
(||aṁdu||)
se vadalide pĕṁchina silugainā meḍa lĕkku
rāviṁchi gūm̐ṭam̐ bĕṭṭide rāmā yanunu
bhāviṁchaguṁḍide yiṭṭĕ pāru nĕṁdainā manasu
śhrīveṁkaḍeśhum̐ gŏlside sedam̐ jikki vuṁḍunu