అందుకైతే దోసము లేదంటి మింతే నేము
(॥పల్లవి॥)
అందుకైతే దోసము లేదంటి మింతే నేము
సందడి జాణవు నీవు సమ్మతించుకొందుగా
(॥అందు॥)
రేయిఁబగలును నీరేపల్లెలో చేఁతలు
ఆయాలు మోవఁగా నిన్నునాడెఁగా చెలి
యీయెడనైతే నేము యింతేసికి నోపము
పాయపు వాఁడవు మాటఁబడ నోపుదువుగా
(॥అందు॥)
గుఱుతైన యట్టినీ కొలనిలో చేఁతలు
వెఱవక నిన్ను వెలివేసెఁగా ఆపె
తెఱవల మింతేసి తెగువకుఁ జాలము
నెఱతనీఁడ విన్నిటా నీకు నవ్వవచ్చుగా
(॥అందు॥)
యింపుమీర నాఁటదాని నెత్తుకవచ్చినవింద
ముంపున నీమీఁద నిట్టె మోపెఁగా ఆపె
జంపుల శ్రీ వేంకటేశ సరి నిన్నింత నేఁ జేయ
అంపక నన్నుఁ గూడితి వన్నియు నేర్తువుగా
(||pallavi||)
aṁdugaide dosamu ledaṁṭi miṁte nemu
saṁdaḍi jāṇavu nīvu sammadiṁchugŏṁdugā
(||aṁdu||)
reyim̐bagalunu nīreballĕlo sem̐talu
āyālu movam̐gā ninnunāḍĕm̐gā sĕli
yīyĕḍanaide nemu yiṁtesigi nobamu
pāyabu vām̐ḍavu māḍam̐baḍa nobuduvugā
(||aṁdu||)
guṟudaina yaṭṭinī kŏlanilo sem̐talu
vĕṟavaga ninnu vĕlivesĕm̐gā ābĕ
tĕṟavala miṁtesi tĕguvagum̐ jālamu
nĕṟadanīm̐ḍa vinniḍā nīgu navvavachchugā
(||aṁdu||)
yiṁpumīra nām̐ṭadāni nĕttugavachchinaviṁda
muṁpuna nīmīm̐da niṭṭĕ mobĕm̐gā ābĕ
jaṁpula śhrī veṁkaḍeśha sari ninniṁta nem̐ jeya
aṁpaga nannum̐ gūḍidi vanniyu nerduvugā