(॥పల్లవి॥)
అందిచూడఁగ నీకు నవతారమొకటే
యెందువాఁడవైతివి యేఁటిదయ్యా
(॥అంది॥)
నవనీతచోరా నాగపర్యంకా
సవనరక్షక హరీ చక్రాయుధా
అవల దేవకిపట్టివని యశోదకు నిన్ను
నివలఁ గొడుకవనేదిది యేఁటిదయ్యా
(॥అంది॥)
పట్టపు శ్రీరమణా భవరోగవైద్య
జట్టిమాయలతోడిశౌరి కృష్ణ
పుట్టినచో టొకటి పొదలెడిచో టొకటి
యెట్టని నమ్మవచ్చు నిది యేఁటిదయ్యా
(॥అంది॥)
వేదాంతనిలయా వివిధాచరణా
ఆదిదేవ శ్రీవేంకటాచలేశ
సోదించి తలఁచినచోట నీ వుండుదువట
యేదెస నీ మహిమే యిదేఁటిదయ్యా
(||pallavi||)
aṁdisūḍam̐ga nīgu navadāramŏgaḍe
yĕṁduvām̐ḍavaidivi yem̐ṭidayyā
(||aṁdi||)
navanīdasorā nāgabaryaṁkā
savanarakṣhaga harī sakrāyudhā
avala devagibaṭṭivani yaśhodagu ninnu
nivalam̐ gŏḍugavanedidi yem̐ṭidayyā
(||aṁdi||)
paṭṭabu śhrīramaṇā bhavarogavaidya
jaṭṭimāyaladoḍiśhauri kṛṣhṇa
puṭṭinaso ṭŏgaḍi pŏdalĕḍiso ṭŏgaḍi
yĕṭṭani nammavachchu nidi yem̐ṭidayyā
(||aṁdi||)
vedāṁtanilayā vividhāsaraṇā
ādideva śhrīveṁkaḍāsaleśha
sodiṁchi talam̐sinasoḍa nī vuṁḍuduvaḍa
yedĕsa nī mahime yidem̐ṭidayyā