అందరు సంతోసించేరు యశోదమ్మ వినవమ్మ
(॥పల్లవి॥)
అందరు సంతోసించేరు యశోదమ్మ వినవమ్మ
కందువైన బిడ్డనిఁ గంటివోయమ్మా
(॥ఆంద॥)
వనకేలి సేయఁబోతే వచ్చి మాఁకులెక్కీని
యెనసి జలకేలిలో యీఁదులాడీని
మునుపె మాకంటె మంచముపైఁదానె పండుండీని
ఘనుఁడైన యీకృష్ణునిఁ గంటివోయమ్మా
(॥అంద॥)
అంగడి బేరము గొంటే అమ్మవచ్చీఁ దానె మాకు
ముంగిటనాలఁ బిండితే ముంతవట్టీని
సింగారించు కొనఁబోతే చీర గట్ట వచ్చీఁదానె
కంగుదేరిన బిడ్డనిఁ గంటివోయమ్మా
(॥అంద॥)
కంచము మొదలనుంటేఁ గడియెత్తిపొత్తునను
కొంచి కన్నుమూసితేను కూడీఁ గాఁగిట
యెంచఁగ శ్రీ వేంకటాద్రినిరవై యాడేయట్టి
కాంచనమువంటి బిడ్డఁ గంటివోయమ్మా
(||pallavi||)
aṁdaru saṁtosiṁcheru yaśhodamma vinavamma
kaṁduvaina biḍḍanim̐ gaṁṭivoyammā
(||āṁda||)
vanageli seyam̐bode vachchi mām̐kulĕkkīni
yĕnasi jalagelilo yīm̐dulāḍīni
munubĕ māgaṁṭĕ maṁchamubaim̐dānĕ paṁḍuṁḍīni
ghanum̐ḍaina yīkṛṣhṇunim̐ gaṁṭivoyammā
(||aṁda||)
aṁgaḍi beramu gŏṁṭe ammavachchīm̐ dānĕ māgu
muṁgiḍanālam̐ biṁḍide muṁtavaṭṭīni
siṁgāriṁchu kŏnam̐bode sīra gaṭṭa vachchīm̐dānĕ
kaṁguderina biḍḍanim̐ gaṁṭivoyammā
(||aṁda||)
kaṁchamu mŏdalanuṁṭem̐ gaḍiyĕttibŏttunanu
kŏṁchi kannumūsidenu kūḍīm̐ gām̐giḍa
yĕṁcham̐ga śhrī veṁkaḍādriniravai yāḍeyaṭṭi
kāṁchanamuvaṁṭi biḍḍam̐ gaṁṭivoyammā