(॥పల్లవి॥)
అందరిలోనా నెక్కుడు హనుమంతుఁడు
కందువ మతంగగిరికాడి హనుమంతుఁడు
(॥అంద॥)
కనకకుండలాలతో కౌపీనముతోడ
జనియించినాఁడు యీ హనుమంతుఁడు
ఘన ప్రతాపముతోడ కఠినహస్తాలతోడ
పెనుతోఁక యెత్తినాఁడు పెద్ద హనుమంతుఁడు
(॥అంద॥)
తివిరి జలధి దాఁటి దీపించి లంకయెల్లా
అవల యివల సేసె హనుమంతుఁడు
వివరించి సీతకు విశ్వరూపము చూపుతా
ధ్రువమండలము మోచె దొడ్డ హనుమంతుఁడు
(॥అంద॥)
తిరమైన మహిమతో దివ్యతేజముతోడ
అరసి దాసులఁ గాచీ హనుమంతుఁడు
పరగ శ్రీవేంకటేశు బంటై సేవింపుచు
వరములిచ్చీఁ బొడవాటి హనుమంతుఁడు
(||pallavi||)
aṁdarilonā nĕkkuḍu hanumaṁtum̐ḍu
kaṁduva madaṁgagirigāḍi hanumaṁtum̐ḍu
(||aṁda||)
kanagaguṁḍalālado kaubīnamudoḍa
janiyiṁchinām̐ḍu yī hanumaṁtum̐ḍu
ghana pradābamudoḍa kaṭhinahastāladoḍa
pĕnudom̐ka yĕttinām̐ḍu pĕdda hanumaṁtum̐ḍu
(||aṁda||)
tiviri jaladhi dām̐ṭi dībiṁchi laṁkayĕllā
avala yivala sesĕ hanumaṁtum̐ḍu
vivariṁchi sīdagu viśhvarūbamu sūbudā
dhruvamaṁḍalamu mosĕ dŏḍḍa hanumaṁtum̐ḍu
(||aṁda||)
tiramaina mahimado divyadejamudoḍa
arasi dāsulam̐ gāsī hanumaṁtum̐ḍu
paraga śhrīveṁkaḍeśhu baṁṭai seviṁpusu
varamulichchīm̐ bŏḍavāḍi hanumaṁtum̐ḍu