అందరికి నెక్కుడైన హనుమంతుఁడు
(॥పల్లవి॥)
అందరికి నెక్కుడైన హనుమంతుఁడు
అందుకొనె సూర్యు ఫలమని హనుమంతుఁడు
(॥అందరికి॥)
బల్లిదుఁడై లంక చొచ్చి బలురాకాసులఁ గొట్టి
హల్ల కల్లోలముచేసె హనుమంతుఁడు
వొల్లనె రాముల ముద్దుటుంగరము సీతకిచ్చె
అల్లదె నిలుచున్నాఁడు హనుమంతుఁడు
(॥అందరికి॥)
దాకొని యాకె ముందర తన గుఱుతెరుఁగించి
ఆకారమటు చూపె హనుమంతుఁడు
చేకొని శిరోమణి చేతఁబట్టి జలనిధి
ఆకసాన దాఁటివచ్చె హనుమంతుఁడు
(॥అందరికి॥)
కొంకకిట్టె సంజీవికొండ దెచ్చి రిపులకు
నంకకాఁడై నిలిచెను హనుమంతుఁడు
తెంకినే శ్రీవేంకటాద్రి దేవుని మెప్పించినాఁడు
అంకెఁగలశాపుర హనుమంతుఁడు
(||pallavi||)
aṁdarigi nĕkkuḍaina hanumaṁtum̐ḍu
aṁdugŏnĕ sūryu phalamani hanumaṁtum̐ḍu
(||aṁdarigi||)
ballidum̐ḍai laṁka sŏchchi balurāgāsulam̐ gŏṭṭi
halla kallolamusesĕ hanumaṁtum̐ḍu
vŏllanĕ rāmula mudduḍuṁgaramu sīdagichchĕ
alladĕ nilusunnām̐ḍu hanumaṁtum̐ḍu
(||aṁdarigi||)
dāgŏni yāgĕ muṁdara tana guṟudĕrum̐giṁchi
āgāramaḍu sūbĕ hanumaṁtum̐ḍu
segŏni śhiromaṇi sedam̐baṭṭi jalanidhi
āgasāna dām̐ṭivachchĕ hanumaṁtum̐ḍu
(||aṁdarigi||)
kŏṁkagiṭṭĕ saṁjīvigŏṁḍa dĕchchi ribulagu
naṁkagām̐ḍai nilisĕnu hanumaṁtum̐ḍu
tĕṁkine śhrīveṁkaḍādri devuni mĕppiṁchinām̐ḍu
aṁkĕm̐galaśhābura hanumaṁtum̐ḍu