(॥పల్లవి॥)
అందరి బ్రదుకులు నాతనివే
కందువెల్ల శ్రీకాంతునిదే
(॥అంద॥)
వేమరుఁ జదివెడి విప్రుల వేదము
సోముకవైరి యశోవిభవం
శ్రీమించున మరల జీవనమెల్ల సు-
ధామథనునిసంతత కరుణే
(॥అంద॥)
హితవగు నిలలో నీసుఖమెల్లను
దితి సుతదమనుఁడు దెచ్చినదే
తతి తల్లి దండ్రి తానై కాచిన
రతి ప్రహ్లదవరదుని కృపే
(॥అంద॥)
ఆలరినయమరేంద్రాదుల బ్రదుకులు
బలిబంధనుకృపఁ బరగినవే
బలసి మునుల యాపదలు వాపుటకు
బలునృపభంజను పరిణతలే
(॥అంద॥)
పూని యనాథుల పొందుగఁ గాచిన-
జానకీవిభుని సరసతలే
నానాభూభరణంబులు నందుని-
సూనుఁడు చేసినసుకృతములే
(॥అంద॥)
తలకొని ధర్మము తానై నిలుపుట
కలుషవిదూరునిగర్వములే
నిలిచి లోకములు నిలిపినఘనుఁడగు.-
కలియుగమున వేంకటపతివే
(||pallavi||)
aṁdari bradugulu nādanive
kaṁduvĕlla śhrīgāṁtunide
(||aṁda||)
vemarum̐ jadivĕḍi viprula vedamu
somugavairi yaśhovibhavaṁ
śhrīmiṁchuna marala jīvanamĕlla su-
dhāmathanunisaṁtada karuṇe
(||aṁda||)
hidavagu nilalo nīsukhamĕllanu
didi sudadamanum̐ḍu dĕchchinade
tadi talli daṁḍri tānai kāsina
radi prahladavaraduni kṛpe
(||aṁda||)
ālarinayamareṁdrādula bradugulu
balibaṁdhanukṛpam̐ baraginave
balasi munula yābadalu vābuḍagu
balunṛpabhaṁjanu pariṇadale
(||aṁda||)
pūni yanāthula pŏṁdugam̐ gāsina-
jānagīvibhuni sarasadale
nānābhūbharaṇaṁbulu naṁduni-
sūnum̐ḍu sesinasukṛtamule
(||aṁda||)
talagŏni dharmamu tānai nilubuḍa
kaluṣhavidūrunigarvamule
nilisi logamulu nilibinaghanum̐ḍagu.-
kaliyugamuna veṁkaḍabadive