(॥పల్లవి॥)
అందమాయనయ్య నేఁడు అన్నిటా నీ విభవాలు
చందపు రతులైనవి సంబంధాలు
(॥అంద॥)
కోరి నీమోహపుసతి గుబ్బలవలెనున్నవి
పోరచి నీపెండ్లిలోని బూజగుండలు
చేరి యాపె కుమ్మరించే సిగ్గువలెనున్నది
వేరె యిద్దరినడుమ వేసిన తెర
(॥అంద॥)
ననిచిన యీలేమనవ్వువలెనున్నది
మునుకొని నీశిరసుముత్యాల సేస
చొనిపి యెదురుచూచే చూపులవలెనున్నవి
ఘనముగా వేసుకొన్న కలువలదండలు
(॥అంద॥)
జోడుగాఁ జెలియిచ్చిన సొమ్ములవలెనున్నవి
కూడినవేళ నీమేని గోరొత్తులు
యీడుగా శ్రీ వేంకటేశ యేలితివి నన్నునిట్టె
వేడుకవలెనున్నది విందుల నీమోవి
(||pallavi||)
aṁdamāyanayya nem̐ḍu anniḍā nī vibhavālu
saṁdabu radulainavi saṁbaṁdhālu
(||aṁda||)
kori nīmohabusadi gubbalavalĕnunnavi
porasi nībĕṁḍliloni būjaguṁḍalu
seri yābĕ kummariṁche sigguvalĕnunnadi
verĕ yiddarinaḍuma vesina tĕra
(||aṁda||)
nanisina yīlemanavvuvalĕnunnadi
munugŏni nīśhirasumutyāla sesa
sŏnibi yĕdurusūse sūbulavalĕnunnavi
ghanamugā vesugŏnna kaluvaladaṁḍalu
(||aṁda||)
joḍugām̐ jĕliyichchina sŏmmulavalĕnunnavi
kūḍinaveḽa nīmeni gorŏttulu
yīḍugā śhrī veṁkaḍeśha yelidivi nannuniṭṭĕ
veḍugavalĕnunnadi viṁdula nīmovi