అండకు రావయ్యా అన్నియుఁ దెలిసెను
(॥పల్లవి॥)
అండకు రావయ్యా అన్నియుఁ దెలిసెను
నిండి నొసలి లత్తుక నీరువలె నున్నది
(॥॥)
ముసుఁగు వెట్టుకొని మూల నేమి సేసేవు
సుసరానఁ బెదవులు చూపవయ్యా
యెసఁగి రెప్పలమీఁది కేలవచ్చెఁ దమ్ములము
కొసరితేను చెక్కిట గోరువలె నున్నది
(॥॥)
కాయమెల్లా గప్పుకొని కడులోన నున్నాఁడవు
సోయగపు నీవురము చూపవయ్యా
చాయలకెంపు లెడవిసరీ బాహుమూలముల
నీయందుఁ గళలు నేఁడు నెలకొన్నట్లున్నవి
(॥॥)
తెరవేసు కేలితి వొద్దిక నలమేల్మంగను
సొరిది నీనెమ్మొగము చూపవయ్యా
ఇరవై నన్ను శ్రీవేంకటేశుఁడ యేలితివి
వెరవుతో నీపుక్కిట విడె మున్నట్లున్నది
(||pallavi||)
aṁḍagu rāvayyā anniyum̐ dĕlisĕnu
niṁḍi nŏsali lattuga nīruvalĕ nunnadi
(||||)
musum̐gu vĕṭṭugŏni mūla nemi sesevu
susarānam̐ bĕdavulu sūbavayyā
yĕsam̐gi rĕppalamīm̐di kelavachchĕm̐ dammulamu
kŏsaridenu sĕkkiḍa goruvalĕ nunnadi
(||||)
kāyamĕllā gappugŏni kaḍulona nunnām̐ḍavu
soyagabu nīvuramu sūbavayyā
sāyalagĕṁpu lĕḍavisarī bāhumūlamula
nīyaṁdum̐ gaḽalu nem̐ḍu nĕlagŏnnaṭlunnavi
(||||)
tĕravesu kelidi vŏddiga nalamelmaṁganu
sŏridi nīnĕmmŏgamu sūbavayyā
iravai nannu śhrīveṁkaḍeśhum̐ḍa yelidivi
vĕravudo nībukkiḍa viḍĕ munnaṭlunnadi