అందాఁకా నమ్మలేక అనుమానపడు దేహి
(॥పల్లవి॥)
అందాఁకా నమ్మలేక అనుమానపడు దేహి
అంది నీ సొమ్ము గనక అదియుఁ దీరుతువు
(॥అందాఁ॥)
నీదాసుఁడన నేటి నిజబుద్ధి గలిగితే
ఆ దెస నప్పుడే పుణ్యుఁడాయ నతఁడు
వేద(దు?)తో నొక్కొక్కవేళ వెలుతులు గలిగితే
నీదయవెట్టి వెనక నీవే తీరుతువు
(॥అందాఁ॥)
తొలుత నీ శరణము దొరకుటొకటే కాని
చెలఁగి యా జీవునికిఁ జేటు లేదు
కలఁగి నడుమంత్రాన గతిదప్ప నడచిన
నెలకొని వంకలొత్త నీవే నేరుతువు
(॥అందాఁ॥)
నీవల్లఁ గొరత లేదు నీ పేరు నొడిగితే
శ్రీవేంకటేశ యిటె చేరి కాతువు
భావించలేకుండఁగాను భారము నీ దంటేఁ జాలు
నీవారి రక్షించ నీవే దిక్కౌదువు
(||pallavi||)
aṁdām̐kā nammalega anumānabaḍu dehi
aṁdi nī sŏmmu ganaga adiyum̐ dīruduvu
(||aṁdām̐||)
nīdāsum̐ḍana neḍi nijabuddhi galigide
ā dĕsa nappuḍe puṇyum̐ḍāya nadam̐ḍu
veda(du?)to nŏkkŏkkaveḽa vĕludulu galigide
nīdayavĕṭṭi vĕnaga nīve tīruduvu
(||aṁdām̐||)
tŏluda nī śharaṇamu dŏraguḍŏgaḍe kāni
sĕlam̐gi yā jīvunigim̐ jeḍu ledu
kalam̐gi naḍumaṁtrāna gadidappa naḍasina
nĕlagŏni vaṁkalŏtta nīve neruduvu
(||aṁdām̐||)
nīvallam̐ gŏrada ledu nī peru nŏḍigide
śhrīveṁkaḍeśha yiḍĕ seri kāduvu
bhāviṁchaleguṁḍam̐gānu bhāramu nī daṁṭem̐ jālu
nīvāri rakṣhiṁcha nīve dikkauduvu