(॥పల్లవి॥)
అమరాంగన లదె యాడేరు
ప్రమదంబున నదె పాడేరు
(॥అమ॥)
గరుడవాహనుఁడు కనకరథముపై
యిరువుగ వీధుల నేఁగీని
సురలును మునులును సొంపుగ మోఁకులు
తెరలిచి తెరలిచి తీసేరు
(॥అమ॥)
యిలధరుఁడదివో యింద్రరథముపై
కెలయుచు దిక్కులు గెలిచీని
బలు శేషాదులు బ్రహ్మశివాదులు
చెలఁగి సేవలటు సేసేరు
(॥అమ॥)
అలమేల్మంగతో నటు శ్రీవేంకట
నిలయుఁ డరదమున నెగడీని
నలుగడ ముక్తులు నారాదాదులును
పొలుపు మిగులఁ గడుఁ బొగడేరు
(||pallavi||)
amarāṁgana ladĕ yāḍeru
pramadaṁbuna nadĕ pāḍeru
(||ama||)
garuḍavāhanum̐ḍu kanagarathamubai
yiruvuga vīdhula nem̐gīni
suralunu munulunu sŏṁpuga mom̐kulu
tĕralisi tĕralisi tīseru
(||ama||)
yiladharum̐ḍadivo yiṁdrarathamubai
kĕlayusu dikkulu gĕlisīni
balu śheṣhādulu brahmaśhivādulu
sĕlam̐gi sevalaḍu seseru
(||ama||)
alamelmaṁgado naḍu śhrīveṁkaḍa
nilayum̐ ḍaradamuna nĕgaḍīni
nalugaḍa muktulu nārādādulunu
pŏlubu migulam̐ gaḍum̐ bŏgaḍeru