ānaṅd bābū: ro mat puśhpā, āj tum jo ho jis jagah ho,
tumhāre āṇkh ke pānī saline water, I mean namkīn
pānī ke alāvā kuchh nahīṅ hai. isliye inheṅ poṅchh ḍālo
puśhpā, I hate tears.
puśhpā: hāṇ ānaṅd bābū āp ṭhīk kahte haiṅ. baiṭhiye.
ānaṅd bābū: chhoṛo puśhpā, chalo āj kahīṅ bāhar chalte haiṅ.
ḍhūṇḍheṅ koī aisī jagah jahāṇ thoṛī der ke liye hī
sahī kuchh yād na āye, na tumheṅ na mujhe.
chiṅgārī koī bhaṛke, to sāvan use bujhāye
sāvan jo agan lagāye, use kaun bujhāye,
o… use kaun bujhāye
patjhaṛ jo bāg ujāṛe, vo bāg bahār khilāye
jo bāg bahār meṅ ujaṛe, use kaun khilāye
o… use kaun khilāye
hamse mat pūchho kaise, maṅdir ṭūṭā sapnoṅ kā - (2)
logoṅ kī bāt nahīṅ hai, ye kissā hai apnoṅ kā
koī duśhman ṭhes lagāye, to mīt jiyā bahlāye
man mīt jo ghāv lagāye, use kaun miṭāye
na jāne kyā ho jātā, jāne ham kyā kar jāte - (2)
pīte haiṅ to zindā haiṅ, na pīte to mar jāte
duniyā jo pyāsā rakhe, to madirā pyās bujhāye
madirā jo pyās lagāye, use kaun bujhāye
o… use kaun bujhāye
mānā tūfāṇ ke āge, nahīṅ chaltā zor kisīkā - (2)
maujoṅ kā doṣh nahīṅ hai, ye doṣh hai aur kisī kā
majdhār meṅ naiyā ḍole, to mājhī pār lagāye
mājhī jo nāv ḍuboye, use kaun bachāye
o… use kaun bachāye
chiṅgārī …