అలుగుత లేదు సుమ్మీ అప్పుడు నీతో
(॥పల్లవి॥)
అలుగుత లేదు సుమ్మీ అప్పుడు నీతో
యెలమి నో రమణుఁడ యేమని వుండితివో
(॥అలుగు॥)
ఎదుట నీవుండఁగాను యేఁపే మరుఁడో యంటా
అదివో గుండెబెదరి అవ్వలిమోమైతి
కదిసి చేయివేయఁగాఁ గమ్మచిగురుటమ్మంటా
నుదిరిపడి వెరచి వుస్సురంటిని
(॥అలుగు॥)
మలసి చూడఁగఁ జల్లె మంతపువెన్నెలలంటా
తొలఁగి పయ్యద నామైఁ దుడుచుకొంటి
పలికి మాటాడఁగాను పంపుడుఁ జిలుకలంటా
నిలువున వెరగంది తలవంచుకొంటివి
(॥అలుగు॥)
కాఁగిట నీవు గూడఁగాఁ గలలోని భ్రమతలంటా
కాఁగిన కుచములతోఁ గన్నుమూసితి
సోగల నీకొనగోరి సోఁకులనిన్నీఁ దెలిసి
బాగుల శ్రీ వెంకటేశ పైకొంటివి
(||pallavi||)
aluguda ledu summī appuḍu nīdo
yĕlami no ramaṇum̐ḍa yemani vuṁḍidivo
(||alugu||)
ĕduḍa nīvuṁḍam̐gānu yem̐pe marum̐ḍo yaṁṭā
adivo guṁḍĕbĕdari avvalimomaidi
kadisi seyiveyam̐gām̐ gammasiguruḍammaṁṭā
nudiribaḍi vĕrasi vussuraṁṭini
(||alugu||)
malasi sūḍam̐gam̐ jallĕ maṁtabuvĕnnĕlalaṁṭā
tŏlam̐gi payyada nāmaim̐ duḍusugŏṁṭi
paligi māḍāḍam̐gānu paṁpuḍum̐ jilugalaṁṭā
niluvuna vĕragaṁdi talavaṁchugŏṁṭivi
(||alugu||)
kām̐giḍa nīvu gūḍam̐gām̐ galaloni bhramadalaṁṭā
kām̐gina kusamuladom̐ gannumūsidi
sogala nīgŏnagori som̐kulaninnīm̐ dĕlisi
bāgula śhrī vĕṁkaḍeśha paigŏṁṭivi