(॥పల్లవి॥)
అల్లవాఁడే వాఁడల్లవాఁడే
యెల్లలోకములకుఁ దానేలికైనవాఁడు
(॥అల్ల॥)
దొడ్డమేఁక పొలగూడు దోమటి దొడికినాఁడు
గడ్డువయసగు బిడ్డగన్నవాఁడు
నడ్డి ముక్కుతోడ వెఱ్ఱి నవ్వులు నవ్వినవాఁడు
అడ్డపాపఁడై యున్న ఆకుమీఁదివాఁడు
(॥అల్ల॥)
ఆలి యిల్లు బొడ్డుతోడ నంటఁగట్టుకొన్నవాఁడు
కోలలేక లోకమెల్లఁ గొలిచినాఁడు
కాలువగా మింటి నీరు కాలఁదన్ని తీసినాఁడు
నేలకింది పరపుపై నెలకొన్నవాఁడు
(॥అల్ల॥)
మించుల మించుల వన్నె మెకము నేసినవాఁడు
దంచేటి కైదువచేఁదనరువాఁడు
కంచముగా గొల్లవారి కడవలపాలెల్ల
వంచుకొని దోసిట వారవట్టువాఁడు
(॥అల్ల॥)
పోటుమీరిన యసురపురము లిన్నియుఁ జొచ్చి
వీటిబుచ్చి దుమ్ములుగా వేసినవాఁడు
బూటకపు సురలతోఁ బున్నమ కప్పురమున
కూటువగాఁ జాపకూడు గుడిచినవాఁడు
(॥అల్ల॥)
అల్లిందామరల పొందులైన కన్నులవాఁడు
తల్లిఁ గూఁతుఁ గౌఁగిటఁ దగిలినాఁడు
చల్లనైన వేంకట శైలముపై నున్న
నల్లని మేనివాఁడు నవ్వుమోమువాఁడు
(||pallavi||)
allavām̐ḍe vām̐ḍallavām̐ḍe
yĕllalogamulagum̐ dāneligainavām̐ḍu
(||alla||)
dŏḍḍamem̐ka pŏlagūḍu domaḍi dŏḍiginām̐ḍu
gaḍḍuvayasagu biḍḍagannavām̐ḍu
naḍḍi mukkudoḍa vĕṭri navvulu navvinavām̐ḍu
aḍḍabābam̐ḍai yunna āgumīm̐divām̐ḍu
(||alla||)
āli yillu bŏḍḍudoḍa naṁṭam̐gaṭṭugŏnnavām̐ḍu
kolalega logamĕllam̐ gŏlisinām̐ḍu
kāluvagā miṁṭi nīru kālam̐danni tīsinām̐ḍu
nelagiṁdi parabubai nĕlagŏnnavām̐ḍu
(||alla||)
miṁchula miṁchula vannĕ mĕgamu nesinavām̐ḍu
daṁcheḍi kaiduvasem̐danaruvām̐ḍu
kaṁchamugā gŏllavāri kaḍavalabālĕlla
vaṁchugŏni dosiḍa vāravaṭṭuvām̐ḍu
(||alla||)
poḍumīrina yasuraburamu linniyum̐ jŏchchi
vīḍibuchchi dummulugā vesinavām̐ḍu
būḍagabu suraladom̐ bunnama kappuramuna
kūḍuvagām̐ jābagūḍu guḍisinavām̐ḍu
(||alla||)
alliṁdāmarala pŏṁdulaina kannulavām̐ḍu
tallim̐ gūm̐tum̐ gaum̐giḍam̐ dagilinām̐ḍu
sallanaina veṁkaḍa śhailamubai nunna
nallani menivām̐ḍu navvumomuvām̐ḍu