అల్లవాఁడే గద్దెమీఁద నౌభళపు గుహలోన
(॥పల్లవి॥)
అల్లవాఁడే గద్దెమీఁద నౌభళపు గుహలోన
యెల్లవారిఁ గరుణతో నేలుకొన్నాఁడు
(॥అల్ల॥)
వుక్కుఁగంభములోఁ బుట్టి వుగ్రనారసింహుఁడు
మొక్కలపు హిరణ్యుని ముందలవట్టి
గక్కనఁ గడుపు చించి ఘనమైన పేగులు
వెక్కసపు జంధ్యాలుగా వేసుకొన్నాఁడు
(॥అల్ల॥)
కోరలు దీఁడుకొంటాను ఘోర నారసింహుఁడు
సారె సారె నెత్తురులు చల్లుకొంటాను
వీరులైన దానవుల వెదకి వెదకి కొట్టి
గోరి కొనఁ గండలెల్లాఁ గోయుచున్నాఁడు
(॥అల్ల॥)
విచ్చిన విడిని శ్రీ వేంకటనారసింహుఁడు
పచ్చిదేర నట్టే పకపక నవ్వి
కచ్చు పెట్టి దేవతలఁగాచి యభియమిచ్చి
పెచ్చు రేఁగి సంతోసానఁ బెరుగుచున్నాఁడు
(||pallavi||)
allavām̐ḍe gaddĕmīm̐da naubhaḽabu guhalona
yĕllavārim̐ garuṇado nelugŏnnām̐ḍu
(||alla||)
vukkum̐gaṁbhamulom̐ buṭṭi vugranārasiṁhum̐ḍu
mŏkkalabu hiraṇyuni muṁdalavaṭṭi
gakkanam̐ gaḍubu siṁchi ghanamaina pegulu
vĕkkasabu jaṁdhyālugā vesugŏnnām̐ḍu
(||alla||)
koralu dīm̐ḍugŏṁṭānu ghora nārasiṁhum̐ḍu
sārĕ sārĕ nĕtturulu sallugŏṁṭānu
vīrulaina dānavula vĕdagi vĕdagi kŏṭṭi
gori kŏnam̐ gaṁḍalĕllām̐ goyusunnām̐ḍu
(||alla||)
vichchina viḍini śhrī veṁkaḍanārasiṁhum̐ḍu
pachchidera naṭṭe pagabaga navvi
kachchu pĕṭṭi devadalam̐gāsi yabhiyamichchi
pĕchchu rem̐gi saṁtosānam̐ bĕrugusunnām̐ḍu