అల్లనాఁడే యిదెరఁగ మైతిమి గాని
(॥పల్లవి॥)
అల్లనాఁడే యిదెరఁగ మైతిమి గాని
యిల్లిదె దేవుని కృప యీడ నున్నది సుండీ
(॥అల్ల॥)
చేరువవో మోక్షము శ్రీహరిభక్తికిని
ధారుణిఁ గర్మమునకే దవ్వుగాని
యీరీతి నింద్రియముల నించుకంతే దాఁటిన
దూరముగాదు జ్ఞానపుతోవ వున్నది సుండి
(॥అల్ల॥)
ధరఁ జేతిది వైకుంఠ మతని దాస్యమునకు
పరధర్మముల కగపడదు గాని
అరుదైన యాసల ఆయము వొడిచితేనే
అరసి యాకంతగుండా నందవచ్చుఁ జుండి
(॥అల్ల॥)
తలఁపులో దక్కె ముక్తి తగు శరణాగతికి
శిలుగుఁ బుణ్యములకుఁ జిక్కదుగాని
తెలిసి శ్రీవేంకటేశు తిరుమంత్రము నాలికెఁ
బలికినాడనే దివ్యపద మబ్బుఁ జుండి
(||pallavi||)
allanām̐ḍe yidĕram̐ga maidimi gāni
yillidĕ devuni kṛpa yīḍa nunnadi suṁḍī
(||alla||)
seruvavo mokṣhamu śhrīharibhaktigini
dhāruṇim̐ garmamunage davvugāni
yīrīdi niṁdriyamula niṁchugaṁte dām̐ṭina
dūramugādu jñānabudova vunnadi suṁḍi
(||alla||)
dharam̐ jedidi vaiguṁṭha madani dāsyamunagu
paradharmamula kagabaḍadu gāni
arudaina yāsala āyamu vŏḍisidene
arasi yāgaṁtaguṁḍā naṁdavachchum̐ juṁḍi
(||alla||)
talam̐pulo dakkĕ mukti tagu śharaṇāgadigi
śhilugum̐ buṇyamulagum̐ jikkadugāni
tĕlisi śhrīveṁkaḍeśhu tirumaṁtramu nāligĕm̐
baligināḍane divyabada mabbum̐ juṁḍi