(॥పల్లవి॥)
అల్లము బెల్లమౌనా అన్నలాల
యెల్లకాలమును గుణమేల మానీనయ్యా
(॥అల్ల॥)
నిక్కము గొండలనీరు నేలకు వేగమె పారు
యెక్కువనేలపై నీరు యెక్కు దందుకు
మిక్కిలి ప్రకృతిలోన మెలఁగెటివానికి
చొక్క మైనజ్ఞాన మెట్టు సొగసీనయ్యా
(॥అల్ల॥)
అచ్చపుఁబాలలోన తోడంటితేనె పెరుగౌను
పచ్చి సేసినఁ బెరుగు పాలు గాదు
వచ్చి వచ్చి యెఱఁగనివానికిఁ దెలుపవచ్చు
కుచ్చితుని నెటువలె గుణిఁ జేసేదయ్యా
(॥అల్ల॥)
చందనపువానలు సంగడి మాఁకుల నంటు
అందలివాన లిందు నంట వెన్నఁడు
కందువైన శ్రీవెంకటనాథుని దాసు
లెందుండినా నితరము లేల తోఁచీనయ్యా
(||pallavi||)
allamu bĕllamaunā annalāla
yĕllagālamunu guṇamela mānīnayyā
(||alla||)
nikkamu gŏṁḍalanīru nelagu vegamĕ pāru
yĕkkuvanelabai nīru yĕkku daṁdugu
mikkili prakṛtilona mĕlam̐gĕḍivānigi
sŏkka mainajñāna mĕṭṭu sŏgasīnayyā
(||alla||)
achchabum̐bālalona toḍaṁṭidenĕ pĕrugaunu
pachchi sesinam̐ bĕrugu pālu gādu
vachchi vachchi yĕṟam̐ganivānigim̐ dĕlubavachchu
kuchchiduni nĕḍuvalĕ guṇim̐ jesedayyā
(||alla||)
saṁdanabuvānalu saṁgaḍi mām̐kula naṁṭu
aṁdalivāna liṁdu naṁṭa vĕnnam̐ḍu
kaṁduvaina śhrīvĕṁkaḍanāthuni dāsu
lĕṁduṁḍinā nidaramu lela tom̐sīnayyā