అల్లదివో నిలుచుక ఆతఁడున్నాఁడు
(॥పల్లవి॥)
అల్లదివో నిలుచుక ఆతఁడున్నాఁడు
తెల్లమిగా నిన్నుఁ గూర్చే తెలుసుకోరాదా
(॥అల్ల॥)
అదనెరిఁగి మాటాడేనాతని నీడకుఁ దెచ్చే
సుదతి నానేరుపెల్లఁ జూడరాదా
కొదలెల్లఁ దీరవలె గురుతులు గావలె
చదరుఁదనము నీవు సంతోసించరాదా
(॥అల్ల॥)
తలఁపెల్ల భ్రమయించే తరి తీపు వుట్టించే
మెలుఁతరో నీవు నన్ను మెచ్చరాదా
సెలవుల నవ్వించే చేతికి లోనుగాఁ జేసే
సెలవు నాకిదె నేఁడు చిత్తగించరాదా
(॥అల్ల॥)
ఆసలెల్లఁ బుట్టించే నలవాట్లెల్లఁ జేసే
చేసన్నకు లోనుసేసేఁ జేపట్టరాదా
యీసరికి శ్రీవేంకటేశుడట్టె విచ్చేసి
రాసికెక్క నినుఁగూడె రాజ్యమేలరాదా
(||pallavi||)
alladivo nilusuga ādam̐ḍunnām̐ḍu
tĕllamigā ninnum̐ gūrse tĕlusugorādā
(||alla||)
adanĕrim̐gi māḍāḍenādani nīḍagum̐ dĕchche
sudadi nānerubĕllam̐ jūḍarādā
kŏdalĕllam̐ dīravalĕ gurudulu gāvalĕ
sadarum̐danamu nīvu saṁtosiṁcharādā
(||alla||)
talam̐pĕlla bhramayiṁche tari tību vuṭṭiṁche
mĕlum̐taro nīvu nannu mĕchcharādā
sĕlavula navviṁche sedigi lonugām̐ jese
sĕlavu nāgidĕ nem̐ḍu sittagiṁcharādā
(||alla||)
āsalĕllam̐ buṭṭiṁche nalavāṭlĕllam̐ jese
sesannagu lonusesem̐ jebaṭṭarādā
yīsarigi śhrīveṁkaḍeśhuḍaṭṭĕ vichchesi
rāsigĕkka ninum̐gūḍĕ rājyamelarādā