(॥పల్లవి॥)
అల్లదెకో విజయధ్వజము జగ -
మెల్లఁ జేకొనియె నీతఁడు
(॥అల్లదె॥)
తొక్కనిచోట్లు దొక్కెటి తురగపు
రెక్కలమీఁదటి రేవంతుఁడు
చక్కుగ నసురల సంహరించి యిదె
దిక్కులు గెలిచెను దేవదేవుడు
(॥అల్లదె॥)
వోడక శంఖము నొగి చక్రముతో
సూడుకుఁ దిరిగేటి శూరుఁడు
యీడనుండి సురలిందరిఁ గాచెను
మేడెపు మన లక్ష్మీ విభుఁడు
(॥అల్లదె॥)
శరణన వారలఁ జయ్యన గాచిన
శరణాగత రక్షణ ఘనుఁడు
తిరమై యింతకు దిక్కై నిలిచెను
గరిమెల శ్రీ వేంకట విభుఁడు
(||pallavi||)
alladĕgo vijayadhvajamu jaga -
mĕllam̐ jegŏniyĕ nīdam̐ḍu
(||alladĕ||)
tŏkkanisoṭlu dŏkkĕḍi turagabu
rĕkkalamīm̐daḍi revaṁtum̐ḍu
sakkuga nasurala saṁhariṁchi yidĕ
dikkulu gĕlisĕnu devadevuḍu
(||alladĕ||)
voḍaga śhaṁkhamu nŏgi sakramudo
sūḍugum̐ dirigeḍi śhūrum̐ḍu
yīḍanuṁḍi suraliṁdarim̐ gāsĕnu
meḍĕbu mana lakṣhmī vibhum̐ḍu
(||alladĕ||)
śharaṇana vāralam̐ jayyana gāsina
śharaṇāgada rakṣhaṇa ghanum̐ḍu
tiramai yiṁtagu dikkai nilisĕnu
garimĕla śhrī veṁkaḍa vibhum̐ḍu