(॥పల్లవి॥)
అలరులు గురియఁగ నాడెనదే
అలకలఁ గులుకుల నలమేల్ మంగ
(॥అలరు॥)
అరవిరి సొబగుల నతివలు మెచ్చఁగ
అరతెర మరఁగున నాడెనదే
వరుస పూర్వదువాళపు తిరుపుల
హరిఁగరగింపుచు నలమేల్ మంగ
(॥అలరు॥)
మట్టపు మలపుల మట్టెల కెలపుల
తట్టెడి నడపుల దాఁటెనదే
పెట్టిన వజ్రపు పెండెపు తళుకులు
అట్టిట్టు చిమ్ముచు నలమేల్ మంగ
(॥అలరు॥)
చిందుల పాటల శిరి పొలయాటల
అందెల మోఁతల నాడెనదే
కందువ తిరువేంకటపతి మెచ్చఁగ
అందపు తిరుపుల నలమేల్ మంగ
(||pallavi||)
alarulu guriyam̐ga nāḍĕnade
alagalam̐ gulugula nalamel maṁga
(||alaru||)
araviri sŏbagula nadivalu mĕchcham̐ga
aradĕra maram̐guna nāḍĕnade
varusa pūrvaduvāḽabu tirubula
harim̐garagiṁpusu nalamel maṁga
(||alaru||)
maṭṭabu malabula maṭṭĕla kĕlabula
taṭṭĕḍi naḍabula dām̐ṭĕnade
pĕṭṭina vajrabu pĕṁḍĕbu taḽugulu
aṭṭiṭṭu simmusu nalamel maṁga
(||alaru||)
siṁdula pāḍala śhiri pŏlayāḍala
aṁdĕla mom̐tala nāḍĕnade
kaṁduva tiruveṁkaḍabadi mĕchcham̐ga
aṁdabu tirubula nalamel maṁga