అలరఁ జంచలమైన ఆత్మలందుండ నీ
(॥పల్లవి॥)
అలరఁ జంచలమైన ఆత్మలందుండ నీ-
యలవాటు సేసె నీవుయ్యాల
పలుమారు నుచ్ఛ్వాస పవనమందుండ నీ-
భావంబు దెలిపె నీవుయ్యాల
(॥అలర॥)
ఉదయాస్త శైలంబు లొనరఁ గంభములైన వుడుమండలము మోఁచె నుయ్యాల
అదన నాకాశపద మడ్డదూలంబైన అఖిలంబునిండె నీవుయ్యాల
పదిలముగ వేదములు బంగారుచేరులై పట్ట వెరపై తోఁచె నుయ్యాల
వదలకిటు ధర్మదేవత పీఠమై మిగుల వర్ణింప నరుదాయె నుయ్యాల
(॥అలర॥)
మేలుకట్లయి మీకు మేఘమండలమెల్ల మెఱుఁగునకు మెఱుఁగాయ నుయ్యాల
నీలశైలమువంటి నీమేని కాంతికిని నిజమైన తొడవాయె నుయ్యాల
పాలిండ్లు గదలఁగా బయ్యదలు రాఁపాడ భామినులు వడినూఁచు నుయ్యాల
వోలి బ్రహ్మాండములు వొరగునోయని భీతి నొయ్యనొయ్యన వూఁచి రుయ్యాల
(॥అలర॥)
కమలకును భూసతికి కదలు కదలుకుమిమ్ముఁ గౌఁగిలింపఁగఁ జేసె నుయ్యాల
అమరాఁగనలకు నీ హావభావ విలాసమందంద చూపె నీవుయ్యాల
కమలాసనాదులకుఁ గన్నులకు పండుగై గణుతింప నరుదాయ నుయ్యాల
కమనీయమూర్తి వేంకటశైలపతి నీకు కడువేడుకై వుండె నుయ్యాల
(||pallavi||)
alaram̐ jaṁchalamaina ātmalaṁduṁḍa nī-
yalavāḍu sesĕ nīvuyyāla
palumāru nuchchhvāsa pavanamaṁduṁḍa nī-
bhāvaṁbu dĕlibĕ nīvuyyāla
(||alara||)
udayāsta śhailaṁbu lŏnaram̐ gaṁbhamulaina vuḍumaṁḍalamu mom̐sĕ nuyyāla
adana nāgāśhabada maḍḍadūlaṁbaina akhilaṁbuniṁḍĕ nīvuyyāla
padilamuga vedamulu baṁgāruserulai paṭṭa vĕrabai tom̐sĕ nuyyāla
vadalagiḍu dharmadevada pīṭhamai migula varṇiṁpa narudāyĕ nuyyāla
(||alara||)
melugaṭlayi mīgu meghamaṁḍalamĕlla mĕṟum̐gunagu mĕṟum̐gāya nuyyāla
nīlaśhailamuvaṁṭi nīmeni kāṁtigini nijamaina tŏḍavāyĕ nuyyāla
pāliṁḍlu gadalam̐gā bayyadalu rām̐pāḍa bhāminulu vaḍinūm̐su nuyyāla
voli brahmāṁḍamulu vŏragunoyani bhīdi nŏyyanŏyyana vūm̐si ruyyāla
(||alara||)
kamalagunu bhūsadigi kadalu kadalugumimmum̐ gaum̐giliṁpam̐gam̐ jesĕ nuyyāla
amarām̐ganalagu nī hāvabhāva vilāsamaṁdaṁda sūbĕ nīvuyyāla
kamalāsanādulagum̐ gannulagu paṁḍugai gaṇudiṁpa narudāya nuyyāla
kamanīyamūrdi veṁkaḍaśhailabadi nīgu kaḍuveḍugai vuṁḍĕ nuyyāla