(॥పల్లవి॥)
అలర నుతించరో హరిని
యెలయించి మిము భ్రమయించీనిఁ గాలము
(॥అల॥)
సేయరో మనుజులార చింత హరినిఁకనైన
రోయరో మీభుజియించు రుచులమీఁద
కాయ మస్థిరము యీకలి మధ్రువము చాలఁ
బోయఁబో యెందుకుఁగాకపోయఁ గాలము
(॥అల॥)
మెచ్చరో మనుజులార మీరే హరికథలు
పుచ్చరో మీమదిలోని పొరలెల్లాను
కొచ్చరో మనుజులార కోరికలెల్లను మీకు-
నిచ్చీని శుభములు యివి యెల్లకాలము
(॥అల॥)
కనరో వేంకటపతిఁ గన్నులుదనియఁగా
వినరో యీతనిస్తుతి వీనులు నిండ
మనరో శ్రీహరిచేతిమన్ననలు మీరు
తనమీఁదిమది బుద్ధి దాఁచీనిఁ గాలము
(||pallavi||)
alara nudiṁcharo harini
yĕlayiṁchi mimu bhramayiṁchīnim̐ gālamu
(||ala||)
seyaro manujulāra siṁta harinim̐kanaina
royaro mībhujiyiṁchu rusulamīm̐da
kāya masthiramu yīgali madhruvamu sālam̐
boyam̐bo yĕṁdugum̐gāgaboyam̐ gālamu
(||ala||)
mĕchcharo manujulāra mīre harigathalu
puchcharo mīmadiloni pŏralĕllānu
kŏchcharo manujulāra korigalĕllanu mīgu-
nichchīni śhubhamulu yivi yĕllagālamu
(||ala||)
kanaro veṁkaḍabadim̐ gannuludaniyam̐gā
vinaro yīdanistudi vīnulu niṁḍa
manaro śhrīharisedimannanalu mīru
tanamīm̐dimadi buddhi dām̐sīnim̐ gālamu