అలమేలుమంగవు నీవౌనే పతిఁ జేకొంటివి
(॥పల్లవి॥)
అలమేలుమంగవు నీవౌనే పతిఁ జేకొంటివి
నెలకొని యీ చేఁతలు నీవే నేరుతువే
(॥అల॥)
మొగము చూడఁగనే ముంచుకొను నగవులు
నగఁగనే పెనగొని నాఁటుఁ దగులు
తగులఁగఁ దగులఁగాఁ దమకము చిగిరించు
చిగిరింపునాసలు చిమ్మిరేఁచువలపు
(॥అల॥)
పలవఁగా వలవఁగా వడిఁబెట్టుఁ దలఁపులు
తలఁచఁగా నోరికబ్బు తానే పిలుపు
పిలువఁగాఁ బిలువఁగాఁ బెనలుఁగొనుఁజెలిమి
చెలిమి గడుఁ జేయఁగా చెలరేఁగు మనసు
(॥అల॥)
మనసు పెట్టఁ బెట్టఁగా మల్లడిగొను ననుపు
ననుచఁగా ననుచఁగా నంటు లెనయు
యెనయఁగా శ్రీవేంకటేశుఁ డేలేగుట్టు గను
కనుఁగొనఁగానే చెంగలించు మొగము
(||pallavi||)
alamelumaṁgavu nīvaune padim̐ jegŏṁṭivi
nĕlagŏni yī sem̐talu nīve neruduve
(||ala||)
mŏgamu sūḍam̐gane muṁchugŏnu nagavulu
nagam̐gane pĕnagŏni nām̐ṭum̐ dagulu
tagulam̐gam̐ dagulam̐gām̐ damagamu sigiriṁchu
sigiriṁpunāsalu simmirem̐suvalabu
(||ala||)
palavam̐gā valavam̐gā vaḍim̐bĕṭṭum̐ dalam̐pulu
talam̐sam̐gā norigabbu tāne pilubu
piluvam̐gām̐ biluvam̐gām̐ bĕnalum̐gŏnum̐jĕlimi
sĕlimi gaḍum̐ jeyam̐gā sĕlarem̐gu manasu
(||ala||)
manasu pĕṭṭam̐ bĕṭṭam̐gā mallaḍigŏnu nanubu
nanusam̐gā nanusam̐gā naṁṭu lĕnayu
yĕnayam̐gā śhrīveṁkaḍeśhum̐ ḍeleguṭṭu ganu
kanum̐gŏnam̐gāne sĕṁgaliṁchu mŏgamu