(॥పల్లవి॥)
అలమేలుమంగ యీకె ఆనుకవద్ద నుండది
చెలరేఁగి కందువలు చిత్తగించవయ్యా
(॥అల॥)
తరుణిదేహమే నీకు తగుదివ్యరథము
గరుడధ్వజంబాపె కప్పుపయ్యద
తురగములు రతులఁ దోలెడు కోరికెలు
సరినెక్కి వలపులు జయించవయ్యా
(॥అల॥)
దిండు కలపిఱుఁదులు తేరు బండికండ్లు
అండనే పవ్వులుగుత్తులా పెచన్నులు
కొండవంటి శృంగారము కోపునఁగల సొబగు
నిండుకొని దిక్కులెల్లా నీవేగెలువవయ్యా
(॥అల॥)
వెలఁదికంఠము నీకు విజయశంఖమదిగో
నిలువెల్ల సాధనాలు నీకునాపె
యెలమి శ్రీవేంకటేశ యిద్దరునుఁ గూడితిరి
పలుజయముల నిట్టే పరగవయ్యా
(||pallavi||)
alamelumaṁga yīgĕ ānugavadda nuṁḍadi
sĕlarem̐gi kaṁduvalu sittagiṁchavayyā
(||ala||)
taruṇidehame nīgu tagudivyarathamu
garuḍadhvajaṁbābĕ kappubayyada
turagamulu radulam̐ dolĕḍu korigĕlu
sarinĕkki valabulu jayiṁchavayyā
(||ala||)
diṁḍu kalabiṟum̐dulu teru baṁḍigaṁḍlu
aṁḍane pavvuluguttulā pĕsannulu
kŏṁḍavaṁṭi śhṛṁgāramu kobunam̐gala sŏbagu
niṁḍugŏni dikkulĕllā nīvegĕluvavayyā
(||ala||)
vĕlam̐digaṁṭhamu nīgu vijayaśhaṁkhamadigo
niluvĕlla sādhanālu nīgunābĕ
yĕlami śhrīveṁkaḍeśha yiddarunum̐ gūḍidiri
palujayamula niṭṭe paragavayyā