(॥పల్లవి॥)
అక్కర కొదగనియట్టి యర్థము
లెక్క లెన్నియైనా నేమి లేకున్న నేమిరే
(॥అక్క॥)
దండితోఁ దనకుఁ గాని ధరణిశు రాజ్యంబు
యెండెనేమి యది పండెనేమిరే
బెండుపడఁ గేశవునిఁ బేరుకొననినాలికె
వుండెనేమి వుండకుండెనేమిరే
(॥అక్క॥)
యెదిరిఁ దన్నుఁ గానని యెడపుల గుడ్డికన్ను
మొదలఁ దెఱచెనేమి మూసెనేమిరే
వెదకి శ్రీపతిసేవ వేడుకఁ జేయనివాఁడు
చదివెనేమి చదువు చాలించెనేమిరే
(॥అక్క॥)
ఆవల నెవ్వరులేని ఆడవిలోనివెన్నెల
కావిరిఁ గాసెనేమి కాయకున్న నేమిరే
శ్రీవేంకటేశ్వరుఁ జేరనిధర్మములెల్ల
తోవల నుండెనేమి తొలఁగినేమిరే
(||pallavi||)
akkara kŏdaganiyaṭṭi yardhamu
lĕkka lĕnniyainā nemi legunna nemire
(||akka||)
daṁḍidom̐ danagum̐ gāni dharaṇiśhu rājyaṁbu
yĕṁḍĕnemi yadi paṁḍĕnemire
bĕṁḍubaḍam̐ geśhavunim̐ berugŏnanināligĕ
vuṁḍĕnemi vuṁḍaguṁḍĕnemire
(||akka||)
yĕdirim̐ dannum̐ gānani yĕḍabula guḍḍigannu
mŏdalam̐ dĕṟasĕnemi mūsĕnemire
vĕdagi śhrībadiseva veḍugam̐ jeyanivām̐ḍu
sadivĕnemi saduvu sāliṁchĕnemire
(||akka||)
āvala nĕvvaruleni āḍavilonivĕnnĕla
kāvirim̐ gāsĕnemi kāyagunna nemire
śhrīveṁkaḍeśhvarum̐ jeranidharmamulĕlla
tovala nuṁḍĕnemi tŏlam̐ginemire