(॥పల్లవి॥)
అఖిలలోకైకవంద్య హనుమంతుఁడా సీత-
శిఖామణి రామునికిఁ జేకొని తెచ్చితివి
(॥అఖి॥)
అంభోధి లంఘించితివి హనుమంతుఁడ
కుంభినీజదూతవైతి గురు హనుమంతుఁడ
గంభీరప్రతాపమునఁ గడఁగితివి
జంభారిచే వరములు చయ్యన నందితివి
(॥అఖి॥)
అంజనీదేవికుమార హనుమంతుఁడ
కంజాప్తఫలహస్త ఘన హనుమంతుఁడ
సంజీవని దెచ్చిన శౌర్యుఁడవు
రంజిత వానరకులరక్షకుఁడ వైతివి
(॥అఖి॥)
అట లంక సాధించిన హనుమంతుఁడ
చటుల సత్త్వసమేత జయ హనుమంతుఁడ
ఘటన నలమేల్మంగకాంతు శ్రీవేంకటేశుకుఁ
దటుకన బంటవై ధరణి నిల్చితివి
(||pallavi||)
akhilalogaigavaṁdya hanumaṁtum̐ḍā sīda-
śhikhāmaṇi rāmunigim̐ jegŏni tĕchchidivi
(||akhi||)
aṁbhodhi laṁghiṁchidivi hanumaṁtum̐ḍa
kuṁbhinījadūdavaidi guru hanumaṁtum̐ḍa
gaṁbhīrapradābamunam̐ gaḍam̐gidivi
jaṁbhārise varamulu sayyana naṁdidivi
(||akhi||)
aṁjanīdevigumāra hanumaṁtum̐ḍa
kaṁjāptaphalahasta ghana hanumaṁtum̐ḍa
saṁjīvani dĕchchina śhauryum̐ḍavu
raṁjida vānaragularakṣhagum̐ḍa vaidivi
(||akhi||)
aḍa laṁka sādhiṁchina hanumaṁtum̐ḍa
saḍula sattvasameda jaya hanumaṁtum̐ḍa
ghaḍana nalamelmaṁgagāṁtu śhrīveṁkaḍeśhugum̐
daḍugana baṁṭavai dharaṇi nilsidivi