(॥పల్లవి॥)
అజ్ఞానులకివి యరుహము లింతే
సుజ్ఞానులకివి చొరనేలయ్యా
(॥అజ్ఞా॥)
దైవమునమ్మినదాసులకు
కావింపఁగ మరి కర్మము లేదు
దావతిజలనిధి దాఁటినవారికి
వోవల మరియును వోడేలయ్య
(॥అజ్ఞా॥)
గురుకృప గలిగిన గుణనిధికి
అరయఁ బాపపుణ్యము మరి లేదు
విరసపుఁ జీఁకటి వెడలినవారికి
పరగ మరియు దీపంబేలయ్య
(॥అజ్ఞా॥)
జగములెరుఁగు వైష్ణవులకును
తగిలెటి యపరాధంబులు లేవు
అగపడి శ్రీవేంకటాధిపుఁ గొలిచితే
యెగువ దిగువ మాకెదురేదయ్య
(||pallavi||)
ajñānulagivi yaruhamu liṁte
sujñānulagivi sŏranelayyā
(||ajñā||)
daivamunamminadāsulagu
kāviṁpam̐ga mari karmamu ledu
dāvadijalanidhi dām̐ṭinavārigi
vovala mariyunu voḍelayya
(||ajñā||)
gurukṛpa galigina guṇanidhigi
arayam̐ bābabuṇyamu mari ledu
virasabum̐ jīm̐kaḍi vĕḍalinavārigi
paraga mariyu dībaṁbelayya
(||ajñā||)
jagamulĕrum̐gu vaiṣhṇavulagunu
tagilĕḍi yabarādhaṁbulu levu
agabaḍi śhrīveṁkaḍādhibum̐ gŏliside
yĕguva diguva māgĕduredayya