ఐనదయ్యీఁ గానిదెల్లా నటు గాకుండితే మానీ
(॥పల్లవి॥)
ఐనదయ్యీఁ గానిదెల్లా నటు గాకుండితే మానీ
మానుపరాదివి హరి మాయామహిమలు
(॥ఐన॥)
పుట్టేటివెన్ని లేవు పోయేటివెన్ని లేవు
వెట్టి దేహాలు మోచిన వెడజీవులు
గట్టిగాఁ దెలుసుకొంటే కలలోనివంటి దింతే
పట్టి ఇందుకుఁగా నేల బడలేమో నేము
(॥ఐన॥)
కడచినవెన్ని లేవు కాచుకున్నవెన్ని లేవు
సుడిగొన్న తనలోని సుఖదుఃఖాలు
యెడపుల నివి రెండు యెండనీడవంటి వింతే
కడనుండి నేమేల కరఁగేమో నేము
(॥ఐన॥)
కోరినవియెన్ని లేవు కోరఁగలవెన్ని లేవు
తీరని సంపదలతో తెందేపలు
ధారుణి శ్రీవేంకటేశు దాసులమై యిన్నియును
చేరి కైకొంటిమి యేమి సేసేమో నేము
(||pallavi||)
ainadayyīm̐ gānidĕllā naḍu gāguṁḍide mānī
mānubarādivi hari māyāmahimalu
(||aina||)
puṭṭeḍivĕnni levu poyeḍivĕnni levu
vĕṭṭi dehālu mosina vĕḍajīvulu
gaṭṭigām̐ dĕlusugŏṁṭe kalalonivaṁṭi diṁte
paṭṭi iṁdugum̐gā nela baḍalemo nemu
(||aina||)
kaḍasinavĕnni levu kāsugunnavĕnni levu
suḍigŏnna tanaloni sukhaduḥkhālu
yĕḍabula nivi rĕṁḍu yĕṁḍanīḍavaṁṭi viṁte
kaḍanuṁḍi nemela karam̐gemo nemu
(||aina||)
korinaviyĕnni levu koram̐galavĕnni levu
tīrani saṁpadalado tĕṁdebalu
dhāruṇi śhrīveṁkaḍeśhu dāsulamai yinniyunu
seri kaigŏṁṭimi yemi sesemo nemu