(॥పల్లవి॥)
అటువంటి సతిఁ గాని యాదరించవు
మటుమాయముల మాటుమందులే నీకు
(॥అటు॥)
కాటుక కన్నుల యింతి కందువ చూపులు దాఁకి
నాటుకొని నీ తనువు నల్లనాయను
మేటియై యాపెచెక్కుల మెఱుఁగు కళలు దాఁకి
పాటించి నీకోకయెల్లాఁ బచ్చనాయను
(॥అటు॥)
జలజవదనమేని జవ్వనభావాలు సోఁకి
పొలుపొంద నీబొడ్డు పూవక పూచెను
అలర జఘన చక్ర మాపె పొందుసేయఁగాను
తిలకింపఁ జక్రము చేతికి వచ్చెను
(॥అటు॥)
పాల వెల్లి కూఁతురుఁ జేపట్టి పెండ్లాడఁగాను
పాల సముద్రము నీకుఁ బడుకాయను
యీలీల శ్రీ వేంకటేశ యిందర మాపె వారమే
వేల సంఖ్యల సతుల విటతనమబ్బెను
(||pallavi||)
aḍuvaṁṭi sadim̐ gāni yādariṁchavu
maḍumāyamula māḍumaṁdule nīgu
(||aḍu||)
kāḍuga kannula yiṁti kaṁduva sūbulu dām̐ki
nāḍugŏni nī tanuvu nallanāyanu
meḍiyai yābĕsĕkkula mĕṟum̐gu kaḽalu dām̐ki
pāḍiṁchi nīgogayĕllām̐ bachchanāyanu
(||aḍu||)
jalajavadanameni javvanabhāvālu som̐ki
pŏlubŏṁda nībŏḍḍu pūvaga pūsĕnu
alara jaghana sakra mābĕ pŏṁduseyam̐gānu
tilagiṁpam̐ jakramu sedigi vachchĕnu
(||aḍu||)
pāla vĕlli kūm̐turum̐ jebaṭṭi pĕṁḍlāḍam̐gānu
pāla samudramu nīgum̐ baḍugāyanu
yīlīla śhrī veṁkaḍeśha yiṁdara mābĕ vārame
vela saṁkhyala sadula viḍadanamabbĕnu